သက်တံ့
၂. ၉. ၂၀၂၆
ရှမ်းပြည်နယ်၊ မိုင်းပျဥ်းမြို့နယ်တွင် ဧကရာဇ်ခရီးသည်တင်ယာဥ် ချောက်ထဲပြုတ်ကျရာက ခရီးသည် အမျိုးသမီးတစ်ဦးသေဆုံးကာ ၁၉ ဦး ဒဏ်ရာရမှု ယမန်နေ့ညက ဖြစ်ပွားခဲ့ကြောင်း မီးသတ်ဦးစီးဌာနမှ သတင်းရရှိသည်။
ဖြစ်စဥ်မှာ စက်တင်ဘာ ၁ ရက် ည ၉ နာရီ ၁၀ မိနစ်ခန့်အချိန်က ရှမ်းပြည်နယ်၊ မိုင်းပျဉ်းမြို့နယ်၊ ကျိုင်းတုံ-တောင်ကြီးကားလမ်း၊ မိုင်တိုင်အမှတ် ၅၅၅ ဒသမ ၅ ကီလိုမီတာနှင့် ၅၅၆ ကီလိုမီတာကြား ခမ်းပေါ့ကျေးရွာနှင့် တောင်သုံးလုံးကျေးရွာအနီးတွင် ဧကရာဇ် Express ခရီးသည်တင်ယာဉ်သည် ဘရိတ်ပေါက်ရာမှ လမ်း၏ ဘယ်ဘက် ပေ (၅၀)ခန့် အနက်ရှိချောက်ထဲသို့ကျသွားခဲ့ကြောင်းသိရသည်။
ယာဉ်တိမ်းမှောက်မှုကြောင့် ယာဉ်ပေါ်ပါ အမျိုးသား (၁၃)ဉီး၊ အမျိုးသမီး (၉)ဦး၊ ယာဉ်မောင်း(၂)ဦး၊ ယာဉ်နောက်လိုက်(၂)ဦး၊ ယာဉ်မယ်(၁)ဦး၊ ယာဉ်မောင်(၁)ဦး ၊ စုစုပေါင်း (၂၈)ဦး အနက် အမျိုးသား (၁၁)ဦးနှင့် အမျိုးသမီး (၈)ဦးတို့ မစိုးရိမ်ရ ထိခိုက်ဒဏ်ရာ ရရှိခဲ့ပြီး အမျိုးသမီး (၁) ဦး သေဆုံးခဲ့သည်။
အဆိုပါဖြစ်စဥ်ကို မိုင်းပျဉ်းမြို့နယ်မီးသတ်စခန်းမှ မီးသတ်စက်ယာဉ် (၁) စီး၊ သန္ဓေမီးသတ်တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ သွားရောက် ဆောင်ရွက်ခဲ့ကာ သေဆုံး ဒဏ်ရာရသူများအား တုံတာလူမှုကူညီရေးအသင်းပိုင်ယာဉ်ဖြင့် တုံတာတိုက်နယ်ဆေးရုံသို့ ပို့ဆောင်ပေးခဲ့သည်ဟု သိရသည်။
About the Author
