၁၈.၁၀.၂၀၂၅
Translated by Htwe Ko Tun
ရုရှားနိုင်ငံ သမ္မတ ဗလာဒီမာပူတင်က ထိပ်တန်းနေရာမှာရှိတဲ့ အနောက်တိုင်းမီဒီယာတွေဟာ မီဒီယာလောကမှာ သူတို့ရဲ့ လွှမ်းမိုးဦးဆောင်ထားနိုင်တာကို အသုံးချပြီး သူတို့ရဲ့ကိုယ်ပိုင်ဆန္ဒ၊ ကိုယ်ပိုင်ဆုံးဖြတ်ချက် အကြောင်းအရာတွေကို ဖြန့်ဝေနေကြလို့ မကြာခဏဆိုသလို ရည်ရွယ်ချက်ရှိရှိ သတင်း အစီရင်ခံနေကြတယ်လို့ ပြောကြားခဲ့ပါတယ်။
RT နိုင်ငံတကာ ရုပ်မြင်သံကြားဌာနရဲ့ နှစ် ၂၀ ပြည့် နှစ်ပတ်လည် အခမ်းအနားမှာ ပူတင်က အနောက်အုပ်စုရဲ့ ခေတ်သစ်ဝါဒဖြန့်မှုက အရင် ဆိုဗီယက်ခေတ် စရိုက်လက္ခဏာ၊ အသုံးအနှုန်းတွေနဲ့ အနည်းငယ် ကွာခြားတယ်လို့ ပူတင်က ပြောခဲ့ပါတယ်။
သမ္မတ ပူတင်က “ဒါပေမယ့် ဒီလိုလက်ဝါးကြီးအုပ်မှုတွေကို ဘယ်လောက်ပဲ ရေရှည်တည်တံ့ဖို့ ထိန်းသိမ်းကြဦးတော့ အနှေးနှင့်အမြန်ဆိုသလိုပဲ နိဂုံးချုပ်ကြရမှာပါ” လို့ ဆက်လက်ပြောခဲ့ပါတယ်။
RT နိုင်ငံတကာ ရုပ်မြင်သံကြားဌာနက ၂၀၀၅ ခုနှစ်မှာ စတင် ထုတ်လွှင့်ခဲ့တာပါ။ ရုပ်မြင်သံကြား ထုတ်လွှင့်မှုတွေကို အင်္ဂလိပ်၊ အာရေဗျ၊ စပိန်၊ ပြင်သစ်၊ ဂျာမန်နဲ့ ဆားဘီးယားဘာသာစကားတွေနဲ့ ထုတ်လွှင့်နေတာ ဖြစ်ပါတယ်။
ရုပ်မြင်သံကြားကွန်ရက်ကို ဘာသာစကားမျိုးစုံ ဒစ်ဂျစ်တယ်ပလပ်ဖောင်းအဖြစ်လည်း အကောင်အထည်ဖော်နေတာပါ။
RT ရုပ်သံလွှင့်ဌာနဟာ အနောက်နိုင်ငံအများအပြားမှာ ကန့်သတ်ချုပ်ချယ်မှုတွေနဲ့ ရင်ဆိုင်နေရပြီး စည်းကမ်းထိန်းသိမ်းရေးအဖွဲ့တွေနဲ့ အစိုးရတွေက ၎င်းအား သတင်းမှားများ ဖြန့်ဝေနေတဲ့အပြင် ရုရှားနိုင်ငံရဲ့ ဝါဒဖြန့်ချိရေးကိရိယာအဖြစ် လုပ်ဆောင်နေတယ်လို့ စွပ်စွဲခဲ့ကြပါတယ်။ RT သတင်းဌာနကတော့ ဒီစွပ်စွဲချက်တွေကို ပယ်ချခဲ့ပြီး ဌာနအနေနဲ့ အနောက်တိုင်းမီဒီယာတွေရဲ့ သတင်းဇာတ်လမ်းတွေကို ကွဲပြားတဲ့အခြားနည်းလမ်းနဲ့ မှန်ကန်သောသုံးသပ်မှု ပြုနေတာလို့ ပြောခဲ့ပါတယ်။
Ref- Xinhuas
About the Author
