နေမိုး
၁၅. ၁၀. ၂၀၂၆
ညအချိန် နေအိမ်တွင် ရှိနေသည့် လက်နက်မဲ့ဇနီးမောင်နှံနှစ်ဦးကို ဆိုင်ကယ်သုံးစီးဖြင့် ရောက်လာသည့် ချောင်းဦး PDF ခြောက်ဦးက ဒလန်ဟုစွပ်စွဲကာ သေနတ်နှင့်ပစ်ခတ်သတ်ဖြတ်လိုက်သဖြင့် နှစ်လောင်းပြိုင်သေဆုံးမှု ဖြစ်ပွားခဲ့ကြောင်း သိရသည်။
NUG ဩဇာခံ ချောင်းဦး PDF များ၏ ကျူးလွန်မှုဖြစ်စဥ်မှာ ၂၀၂၆ ခုနှစ်၊ အောက်တိုဘာ ၁၄ ရက် ည ၇ နာရီ ၃၀ မိနစ်တွင် စစ်ကိုင်းတိုင်းဒေသကြီး၊ ချောင်းဦးမြို့နယ်၊ ချောင်းဦးတောင်ရပ်ကွက်နေ ဦးအေးမင်းထွန်း (၃၅)နှစ်သည် ၎င်း၏ဇနီးဖြစ်သူ မခိုင်ဇင်ဖြိုး(၂၈)နှစ်နှင့်အတူ နေအိမ်၌ ရှိနေစဉ် PDF ခြောက်ဦးခန့်က ဆိုင်ကယ် သုံးစီးဖြင့် ရောက်ရှိလာပြီး “ဒလန်” ဟု စွပ်စွဲကာ သေနတ်ဖြင့် ပစ်ခတ်သတ်ဖြတ်သွားခဲ့သဖြင့် ၎င်းတို့နှစ်ဦးတွင် ကျည်ထိမှန်ဒဏ်ရာများရရှိကာ သေဆုံးသွားခဲ့ကြောင်း သိရသည်။
နွေဦးတော်လှန်ရေးစတင်ချိန် ၂၀၂၁ ခုနှစ် ဖေဖော်ဝါရီလ ၁ ရက်မှ ယခုကာလအထိ NUG၊ PDF နှင့် EAOs တို့က ဒလန်၊ သူလျှို၊ ပျူစောထီး၊ နစကယန္တရားလည်ပတ်စေသူဟု စွပ်စွဲကာ အကြမ်းဖက် သတ်ဖြတ်မှုများကြောင့် အပြစ်မဲ့အရပ်သားများ၊ သံဃာတော်များ၊ ကလေးသူငယ်များ၊ အုပ်ချုပ်ရေးဆိုင်ရာ တာဝန်ရှိသူများ၊ အစိုးရဝန်ထမ်းများ၊ စုစုပေါင်း ၁၀၀၀၀ ကျော် သေဆုံးခဲ့ကာ လူ ၁၅၀၀၀ ခန့် ဒဏ်ရာရရှိခဲ့မှု ဖြစ်ပွားထားသည်။
About the Author
