၃၁.၈.၂၀၂၆
Written by KL
ပဲခူးတိုင်းဒေသကြီး၊ တောင်ငူမြို့နယ်၊ ထီးလှိုင် (၁) ရပ်ကွက်၊ ဦးချစ်လမ်းရှိ နေအိမ်တစ်လုံးတွင် လူလတ်ပိုင်း အမျိုးသားတစ်ဦး ကြိုးဆွဲချ (ဆွဲကြိုးချ) သေဆုံးမှု သြဂုတ်လ ၃၀ ရက် ညနေ ၆ နာရီခန့်က ဖြစ်ပွားခဲ့ကြောင်း ဒေသခံများထံမှ သိရသည်။
သေဆုံးသူမှာ အသက် ၃၀ ကျော်အရွယ် အမျိုးသားတစ်ဦးဖြစ်ပြီး နေအိမ်တွင် ပလပ်စတစ်ကြိုးကို အသုံးပြုကာ ကြိုးဆွဲချသေဆုံးခဲ့ခြင်းဖြစ်ကြောင်း သိရသည်။
“ဘာကြောင့်သေဆုံးလဲဆိုတာတော့ မသိရဘူး။ ကျွန်တော်တို့က သယ်ယူပေးပြီး ဆေးရုံပို့ပေးလိုက်တာပါ”ဟု တောင်ငူအရေးပေါ်ကယ်ဆယ်ရေးအဖွဲ့မှ တာဝန်ရှိသူတစ်ဦးက ပြောသည်။
သေဆုံးသူ၏ရုပ်အလောင်းကို တောင်ငူအရေးပေါ်ကယ်ဆယ်ရေးအဖွဲ့မှ အဖွဲ့ဝင် လေးဦးက တောင်ငူပြည်သူ့ဆေးရုံကြီး၊ ရင်ခွဲရုံသို့ ပို့ဆောင်ကူညီပေးခဲ့ကြောင်း သိရသည်။
About the Author
