၂၉. ၇. ၂၀၂၃
Written by Peya
မာရဝိဇယ ဗုဒ္ဓရုပ်ပွားတော်မြတ်ကြီး အနေကဇာတင်မင်္ဂလာအခမ်းအနားသို့ ကြွရောက်တော်မူလာကြသည့် နိုင်ငံပေါင်း လငါးနိုင်ငံမှ ဆရာတော်ကြီးများက ရွှေတိဂုံစေတီတော်ကြီးသို့ သွားရောက်ဖူးမျှော်ခဲ့ကြောင်း သိရသည်။
ကျေးဇူးရှင် အပြည်ပြည်ဆိုင်ရာသာသနာပြုအဘိဓဇမဟာရဋ္ဌဂုရုသောဠသမရွှေကျင်သာသနာပိုင် သီတဂူအဓိပတိဆရာတော်ဘုရားကြီး၏ စီစဉ်ညွှန်ကြားမှုဖြင့် အိန္ဒိယ၊ ထိုင်း၊ လာအို၊ နီပေါလ်၊ သီရိလင်္ကာနိုင်ငံမှ ဆရာတော်ကြီးများ၊ ဒါယက၊ ဒါယိကာမများက ရွှေတိဂုံစေတီတော်မြတ်ကြီးကို သွားရောက်ဖူးမျှော်ကြည်ညိုခဲ့ကြခြင်းဖြစ်ကြောင်း သိရသည်။
ပြည်ပမှ ကြွရောက်တော်မူလာသော ဆရာတော်ကြီးများကို ရွှေတိဂုံစေတီတော်ကြီး၏ ဂေါပကအဖွဲ့များမှ နွေးထွေးစွာကြိုဆိုခဲ့ကာ ဂေါပကအဖွဲ့ဝင်တစ်ဦးမှ မြတ်ဘုရားရွှေတိဂုံစေတီတော်ကြီး၏ သမိုင်းကြောင်းကို ဆလိုက်ရှိုးဖြင့် ရှင်းပြခဲ့ကြောင်း သိရသည်။
ထို့နောက် ဆရာတော်ကြီးများသည် မြတ်ရွှေတိဂုံစေတီတော်ကြီးကို လက်ယာရစ် လှည့်ပတ် ပူဇော်ခဲ့ကြကြောင်းလည်း သိရသည်။
