အာဆင်နယ်၊ လီဗာပူးနဲ့ ချဲလ်ဆီးတို့ နိုင်ပွဲရသွားနိုင်တဲ့ စနေညပရီးမီးယားလိဂ် ပွဲစဥ်များ ပွဲကြိုသုံးသပ်ချက်

၃၁. ၁. ၂၀၂၆
Written by MMAK

◾လိဒ် Vs အာဆင်နယ်

အာဆင်နယ်က နောက်ဆုံးသုံးပွဲမှာ လီဗာပူးနဲ့နော်တင်ဟန်ဖောရက်ကို သရေကျခဲ့ပြီး မန်ယူအသင်းကို ရှုံးနိမ့်ခဲ့တာကြောင့် ခုနစ်မှတ်ထိ ဆုံးရှုံးခဲ့ပါတယ်။ ဒုတိယနေရာက မန်စီးတီးအသင်းနဲ့ လေးမှတ်သာ ကွာဟတော့သလို တစ်ပွဲလောက်သာ သရေကျသွားရင် ဖိအားတွေအောက်ကို ရောက်သွားနိုင်ပြီး ပြန်ရုန်းထဖို့ ခက်ခဲနိုင်ပါတယ်။ လိဒ်ကတော့ အိမ်ကွင်းကောင်းတဲ့ အသင်းမျိုးဖြစ်ပြီး နောက်ဆုံးဆယ်ပွဲမှာ တစ်ပွဲသာ ရှုံးထားပါတယ်။ ဒီပွဲစဥ်မှာ အာဆင်နယ်အသင်းက ဘော်ဒီကြေး တစ်လုံးတစ်ဆယ်အရှုံးပေးထားပြီး ဂိုးပေါင်းကြေး နှစ်လုံးအရှုံး ပေါက်ပါတယ်။ အာဆင်နယ်အသင်းအနေနဲ့ ဖလားရချင်တယ်ဆိုရင် ဒီလိုပွဲမျိုးမှာ ထပ်မှားလို့မရသလို မန်စီးတီးအသင်းကလည်း စပါးအသင်းနဲ့ ပွဲကြပ်ကစားရမှာ ဖြစ်တာကြောင့် ဒီပွဲမှာ သေချာပေါက် အနိုင်ရဖို့ လိုပါတယ်။ ဒီပွဲစဥ်မှာ အာဆင်နယ်အသင်းရဲ့ အကောင်းဆုံးခြေစွမ်းကို ပြန်လည်မြင်တွေ့ရနိုင်ပြီး အနိမ့်ဆုံး တစ်ဂိုးအသာလောက်ကနေ စကြည့်ရမယ်ထင်ပါတယ်။ ကြားရက်မှာ ကစားခဲ့တဲ့ ချန်ပီယံလိဂ်ပွဲမှာ ကြေးကျခဲ့တာဟာ ဒီပွဲကြေးအောင်ဖို့ ဖြစ်နိုင်တာကြောင့် အာဆင်နယ်အသင်းကို ရွေးချယ်ပေးချင်ပြီး ဂိုးပေါ်ကိုပါ အရံအနေနဲ့ ကစားသင့်ပါတယ်။

◾ချဲလ်ဆီး Vs ဝက်စ်ဟမ်း

နည်းပြသစ်ရော့စီနာ လက်အောက်မှာ ခြေစွမ်းကောင်းနေတဲ့ ချဲလ်ဆီးအသင်းနဲ့ တန်းဆင်းဇုန်ကနေ ရုန်းထွက်နိုင်ဖို့ ကြိုးစားနေတဲ့ ဝက်စ်ဟမ်းအသင်းတို့ရဲ့ လန်ဒန်ဒါဘီပွဲ ဖြစ်ပါတယ်။ ဒီပွဲစဥ်မှာ ချဲလ်ဆီးအသင်းက ဘော်ဒီကြေး တစ်လုံးတစ်ဆယ်အရှုံးပေးထားပြီး ဂိုးပေါင်းကြေး သုံးလုံးသုံးဆယ်အရှုံးပေါက်ပါတယ်။ ပထမအကျော့မှာ ချဲလ်ဆီးအသင်းက ငါးဂိုးတစ်ဂိုးနဲ့ အနိုင်ရခဲ့သလို ဒီနှစ်သင်း နောက်ဆုံးတွေ့ဆုံမှု ငါးကြိမ်ဆက် ဂိုးပေါ်ဖြစ်ထားခဲ့ပါတယ်။ ချဲလ်ဆီးအသင်းကို ရော့စီနာကိုင်တွယ်ထားတဲ့ ခြောက်ပွဲမှာ တိုက်စစ်က တစ်ဆယ့်ခြောက်ဂိုး သွင်းထားနိုင်တာကြောင့် တစ်ပွဲကို နှစ်ဂိုးနဲ့အထက် သွင်းထားနိုင်တာ တွေ့ရပါတယ်။ ဝက်စ်ဟမ်းခံစစ်က ပရီးမီးယားလိဂ်မှာ အညံ့ဆုံးလို့ ပြောလို့ရပြီး အပြန်အလှန်သွင်းဂိုးတွေနဲ့အတူ နောက်ဆုံးခြောက်ပွဲဆက် ဂိုးပေါ်ကစားထားပါတယ်။ ဒီအချက်တွေကြောင့် ဂိုးပေါင်းကြေးမြင့်မားနေတာ တွေ့ရပြီး ဒါဘီပွဲလည်း ဖြစ်တာကြောင့် အပြန်အလှန်သွင်းဂိုးတွေ မြင်ရမယ်လို့ ထင်ပါတယ်။ ဝက်စ်ဟမ်းနဲ့တွေ့တိုင်း တိုက်စစ်ပိုင်းဂိုးမြူးတတ်တဲ့ ချဲလ်ဆီးအသင်းကြောင့် ဒီပွဲက နှစ်ဖက်သွင်းဂိုး သုံးဂိုးရောက်ဖို့ မခက်ပါဘူး။ လေးဂိုးရောက်မှ ကြေးအပြည့်စားရမှာ ဖြစ်ပေမဲ့ ဒီပွဲစဥ်မှာ ပေါက်ကြေးနဲ့ အခြေအနေအရ ဂိုးပေါ်ကို ရွေးချယ်ပေးချင်ပါတယ်။

◾လီဗာပူး Vs နယူးကာဆယ်

လီဗာပူးက ချန်ပီယံလိဂ်မှာ ဂိုးပြတ်တွေနဲ့ အနိုင်ရနေပေမဲ့ ပရီးမီးယားလိဂ်မှာ နောက်ဆုံးငါးပွဲဆက် နိုင်ပွဲပျောက်နေပြီး တန်းတက်အသင်းတွေဖြစ်တဲ့ လိဒ်နဲ့ဘန်လေကို သရေသာ ကစားနိုင်ခဲ့သလို နောက်ဆုံးပွဲမှာ ဘုန်းမောက်ကို ရှုံးခဲ့ပါတယ်။ နယူးကလည်း နောက်ဆုံးနှစ်ပွဲမှာ ဝုဗ်ကိုသရေကျခဲ့ပြီး ဗီလာကို အိမ်ကွင်းမှာတင် အရှုံးပေးခဲ့ရတာကြောင့် နှစ်သင်းလုံးက အမှတ်ပေးပွဲတွေမှာ ရုန်းကန်နေရတာ တွေ့ရပါတယ်။ ဒီပွဲစဥ်မှာ လီဗာပူးအသင်းက ဘော်ဒီကြေး တစ်လုံးငါးဆယ်စားပေးထားပြီး ဂိုးပေါင်းကြေး သုံးလုံးနှစ်ဆယ်အရှုံး ပေါက်ပါတယ်။ ချန်ပီယံလိဂ်ပွဲတွေ ပြီးဆုံးသွားတာကြောင့် အမှတ်ပေးပွဲတွေကို ပြန်လည်အာရုံစိုက်လာကြမှာဖြစ်ပြီး နှစ်သင်းလုံးက အဆင့်လေးအတွင်းဝင်ဖို့ ကြိုးစားလာနိုင်တာကြောင့် ဒီပွဲက အရှုံးအနိုင်အဖြေပေါ်သွားမယ်လို့ ထင်ပါတယ်။ နောက်ဆုံးတွေ့ဆုံမှု ခြောက်ကြိမ်မှာ ငါးကြိမ်အထိ ဂိုးပေါ်ထားခဲ့သလို ဒီပွဲမှာလည်း အပြန်အလှန်သွင်းဂိုးတွေနဲ့အတူ သုံးဂိုးရောက်ဖို့ မခက်တာကြောင့် ဂိုးပေါ်ကိုပဲ ရွေးချယ်ပေးချင်ပြီး ဘော်ဒီဆိုရင်တော့ အိမ်ရှင်လီဗာပူးအသင်းကို ကြိုက်ပါတယ်။

◾ဘရိုက်တန် Vs အဲဗာတန်

အဲဗာတန်အသင်းက အဝေးကွင်းဆယ့်တစ်ပွဲ ကစားပြီးချိန်မှာ တိုက်စစ်ကဆယ်ဂိုးသွင်းထားပြီး ခံစစ်ကလည်း ဆယ်ဂိုးသာပေးထားရသလို အဝေးကွင်းရှစ်ပွဲဆက် ဂိုးအောက်ကစားထားပါတယ်။ ဘရိုက်တန်ကတော့ အိမ်ကွင်းငါးပွဲမှာ တစ်ပွဲသာအနိုင်ရထားပြီး သုံးပွဲသရေနဲ့ တစ်ပွဲရှုံးထားပါတယ်။ ဒီပွဲစဥ်မှာ ဘရိုက်တန်အသင်းက ဘော်ဒီကြေး တစ်လုံးကိုးဆယ်စား ပေးထားပြီး ဂိုးပေါင်းကြေး နှစ်လုံးအရှုံး ပေါက်ပါတယ်။ အဲဗာတန်က ဂိုးအောက်ကစားတာတွေ များနေချိန်မှာ ဂိုးပေါင်းကြေး နှစ်လုံးအရှုံးပေးထားတာကြောင့် ဂိုးအောက်နေချင်စရာ ကောင်းနေပြီး ဘော်ဒီကြေးအရဆိုရင်လည်း အောက်အသင်း အဲဗာတန်ကို ထိုးသားတွေ အကြိုက်များနေပါတယ်။ ဒီလိုပေါက်ကြေးက အပေါ်စုံအောင်လေ့မရှိဘူးဆိုတဲ့အချက်နဲ့ ခြေစွမ်းကောင်းနေတဲ့ အဲဗာတန်ကြောင့် ဘွတ်ကီတွေက အောက်စုံကို ဆွဲခေါ်နေသလို ခံစားရပါတယ်။ ဒီပွဲစဥ်မှာ အပေါ်ကြေးနှစ်ခုထဲက တစ်ခုအောင်သွားမယ်လို့ ယူဆထားပြီး နှစ်ခုလုံးလည်း အောင်ရင်တောင် အောင်သွားနိုင်ပါတယ်။ အိမ်ရှင်ဘရိုက်တန်အသင်းက နှစ်ဂိုးတစ်ဂိုးလောက်နဲ့ ကပ်နိုင်သွားတာမျိုး ဖြစ်နိုင်သလို တစ်ဂိုးလောက်နဲ့ ကပ်နိုင်သွားတာမျိုးလည်း ဖြစ်နိုင်ပါတယ်။ ဒီအတွက်ကြောင့် အိမ်ရှင်ဘရိုက်တန်ကို ရွေးချယ်ပေးချင်ပြီး ဂိုးပေါ်ကို အရံအနေနဲ့ ကစားသင့်ပါတယ်။

◾ဝုဗ် Vs ဘုန်းမောက်

ဇယားအောက်ဆုံးက ဝုဗ်အသင်းက ရုန်းကန်ကစားနေတာ တွေ့ရပြီး နောက်ဆုံးငါးပွဲမှာ မန်စီးတီးတစ်သင်းတည်းကိုသာ ရှုံးခဲ့သလို မန်ယူ၊ နယူးနဲ့အဲဗာတန်တို့ကို သရေကစားနိုင်ခဲ့ပြီး ဝက်စ်ဟမ်းအသင်းကို အနိုင်ရခဲ့ပါတယ်။ ဘုန်းမောက်အသင်းက နောက်ဆုံးလေးပွဲမှာတော့ ရလဒ်ပိုင်း ပိုကောင်းလာပြီး စပါးနဲ့လီဗာပူးတို့ကို အနိုင်ကစားနိုင်ခဲ့သလို ဘရိုက်တန်အသင်းကို သရေကစားနိုင်ခဲ့ပါတယ်။ ဒီပွဲစဥ်မှာ ဘုန်းမောက်အသင်းက ဘော်ဒီကြေး ပြားသုံးဆယ်အရှုံး ပေးထားပြီး ဂိုးပေါင်းကြေး သုံးလုံးကိုးဆယ်စား ပေါက်ပါတယ်။ ဘုန်းမောက်အသင်းက အထက်လည်းမရောက်တော့သလို တန်းဆင်းဖို့လည်း မဖြစ်နိုင်တာကြောင့် ဝုဗ်အသင်းကို အမှတ်ပေးလို့ရတယ်ဆိုတဲ့ ပုံစံမျိုးမှာ ရှိပါတယ်။ ဝုဗ်အသင်းအနေနဲ့ကလည်း ခုလိုမျိုး ရပ်တည်ချက်ကင်းမဲ့တဲ့ အသင်းမျိုးနဲ့တွေ့ဆုံချိန်မှာ အိမ်ကွင်းအားနဲ့ အနိုင်သုံးမှတ်ရထားဖို့ လိုပါတယ်။ ဒီပွဲက သရေကျအောင်ထိန်းနေတာမျိုး တွေ့ရမှာမဟုတ်ဘဲ အရှုံးအနိုင်အဖြေပေါ်မဲ့ ပွဲစဥ်မျိုးဖြစ်ပါတယ်။ ဂိုးပေါင်းကြေးကလည်း မြင့်မားနေတာကြောင့် ဒီပွဲစဥ်ကိုလည်း ဂိုးပေါ်ကိုပဲ ရွေးချယ်ပေးချင်ပါတယ်။