
၅.၂.၂၀၂၅
Written By Thandar
MHC Vision ထုတ်လုပ်ရေးက ပွဲဦးထွက်ရိုက်ကူးမဲ့ ချစ်ခြင်းမေတ္တာတရားရဲ့ ဆန်းကြယ်မှုတွေပါဝင်တဲ့ “သူငယ်ချင်းတို့အိမ်” ဇာတ်လမ်းတွဲ မရိုက်ကူးခင် (ပဏာမ)ကန်တော့ပွဲပေးခြင်း အခမ်းအနားကို ဖေဖော်ဝါရီ ၄ ရက် နံနက်ပိုင်းက ရန်ကုန်မြို့ ဗိုလ်တထောင်ဘုရား ရင်ပြင်တော်မှာ ကျင်းပခဲ့ပါတယ်။
“နေခြည်က ဒီဇာတ်လမ်းတွဲမှာ ဗန့်ကာရိုက်တာလေးနဲ့ ပါတာပါ။ ဗီလိန်ဆိုပေမယ့်လည်း သဏ္ဍန်လုပ်သရုပ်တူအောင် ကြိုးစားလုပ်ရမှာပါ။ ကိုယ်တိုင်က ဇာတ်လမ်းတွဲကတစ်ဆင့် ဒီလောကထဲရောက်လာတာမို့ Series ရိုက်ရတာလည်း ပိုသဘောကျပါတယ်။ အချိန်များများလည်း ပရိသတ်က ပိုတွေ့ရတယ် ထင်မိပါတယ်။ ကိုယ့် ပါဝင်ကြတဲ့ အနုပညာမောင်နှမတွေ ရက်ရှည်အတူ အနုပညာအလုပ်တွေ ပိုလုပ်ရတယ် ထင်တယ်ပေါ့နော်။ မိသားစုလိုလည်း ဖြစ်သွားတယ်ပေါ့နော်။ ဒီကားလေးထွက်လာရင်လည်း နေခြည်ကို အားပေးကြပါဦးလို့ ပြောချင်ပါတယ်”လို့ နေခြည်ရွှန်းလက်က ပြောပါတယ်။

ဒီဇာတ်ကားကို ဇာတ်ညွှန်း Skyward Art Team ကရေးသားပြီးတော့ ဇာတ်လမ်းနဲ့ ဒါရိုက်တာ အဲရစ်လင်းက သရုပ်ဆောင် ဉာဏ၊ ဝိုင်းရွှေရည်၊ နေခြည်ရွှန်းလက်၊ ကျော်မိုးပိုင်၊ ဆာရာ၊ ကူးကူးဟန်သာ၊ ပြုံးဟန်သာကို၊ လွန်းခြယ်၊ ပန်းဝတ်မှုန်၊ ပိုင်စိုးစံ၊ မင်းနေလင်း၊ မိုကို၊ နန်းရှင်စော၊ ကလေးသရုပ်ဆောင် ရွှေရည်လွန်းအိမ်နဲ့အနုပညာရှင်များစွာနဲ့ ရိုက်ကူးမှာ ဖြစ်ပါတယ်။
Mini Series ဖြစ်တဲ့ “သူငယ်ချင်းတို့အိမ်”ဇာတ်လမ်းတွဲကိုတော့ မကြာခင် ရိုက်ကူးပြီး Fortune TV လိုင်းကနေထုတ်လွှင့်ပြသမှာလည်းဖြစ်ပါတယ်။