၁.၄.၂၀၂၆.
Translated by Htwe Ko Tun
အစ္စရေးဝန်ကြီးချုပ် ဘင်ဂျမင် နေတန်ယာဟုက အီရန်ကို ဆန့်ကျင်တဲ့ စစ်ဆင်ရေးဟာ မပြီးဆုံးသေးဘူးလို့ မတ်လ ၃၁ ရက်က ရုပ်မြင်သံကြားကနေ ထုတ်လွှင့်တဲ့ ကြေညာချက်တစ်ခုမှာ ပြောကြားခဲ့ပြီး အီရန် အကြမ်းဖက်အစိုးရကို ချေမှုန်းဖို့ ဆက်လက်လုပ်ဆောင်သွားမယ်လို့ ကတိပြုခဲ့ပါတယ်။
နေတန်ယာဟုက အစ္စရေးဟာ အီရန်ကို စစ်ရေးအရ ဆက်လက်လုပ်ဆောင်သွားမယ်လို့ ပြောကြားခဲ့တာဖြစ်ပြီး အီရန်ရဲ့ အကြမ်းဖက်အစိုးရကို ချေမှုန်းဖို့ ဆက်လက်လုပ်ဆောင်သွားမယ်လို့ ကြေညာခဲ့ပါတယ်။
နေတန်ယာဟုရဲ့ ပြောကြားချက်တွေက အီရန်သမ္မတ မာဆွတ် ပီဇက်ရှ်ကီယန်က သူ့နိုင်ငံဟာ အစ္စရေးနဲ့ အမေရိကန်ပြည်ထောင်စုတို့နဲ့ စစ်ပွဲကို အဆုံးသတ်ဖို့ လိုအပ်တဲ့ ဆန္ဒရှိတယ်လို့ ပြောကြားပြီးနောက် မကြာခင်မှာပဲ ထွက်ပေါ်လာခဲ့တာပါ။ ဒါပေမယ့် ပဋိပက္ခတွေ ထပ်မံဖြစ်ပွားမှာ မဟုတ်ဘူးဆိုတဲ့ အာမခံချက်တွေကို ရှာဖွေနေတယ်လို့ အီရန်သမ္မတက ပြောခဲ့ပါတယ်။
ဂျူးလူမျိုးတို့၏ ပသခါပွဲတော် အားလပ်ရက်မတိုင်ခင်မှာ ပြောကြားခဲ့တဲ့ သူ့ရဲ့ ကြေညာချက်မှာ နေတန်ယာဟုက “ကျွန်တော်တို့အဖို့ ဒီလို လုပ်ဆောင်ကြရဖို့ရှိတယ်” လို့ ပြောကြားခဲ့ပါတယ်။
သူက “ကျွန်တော်တို့ရဲ့ ရည်မှန်းချက်မှာ ခိုင်မာစွာ ရပ်တည်ခဲ့ပြီး အရှေ့အလယ်ပိုင်းရဲ့ မျက်နှာကို ပြောင်းလဲစေခဲ့ပါတယ်” လို့ ထပ်လောင်းပြောကြားခဲ့သလို ဆက်လက်ဖြစ်ပွားနေတဲ့ စစ်ပွဲတွေ ရှိနေပေမယ့်လည်း အစ္စရေးဟာ “ဒေသတွင်း အင်အားကြီးနိုင်ငံ” အဖြစ် ပေါ်ထွက်လာခဲ့တယ်လို့ အခိုင်အမာ ပြောကြားခဲ့ပါတယ်။
ဖေဖော်ဝါရီ ၂၈ ရက်မှာ နေတန်ယာဟုနဲ့ အမေရိကန်သမ္မတ ဒေါ်နယ်ဒ် ထရမ့်ပ်တို့ဟာ အီရန်ရဲ့ အမြင့်ဆုံးခေါင်းဆောင် အယာတိုလာ အလီ ခါမာနီကို လေကြောင်းတိုက်ခိုက်မှုနဲ့သတ်ဖြတ်ခဲ့ပြီး ဒေသတွင်းမှာ လက်စားချေတိုက်ခိုက်မှုတွေ ဖြစ်ပေါ်စေခဲ့ပါတယ်။
အတိုက်အခံခေါင်းဆောင်နဲ့ ဗဟို-လက်ယာယိမ်း Yesh Atid ပါတီအကြီးအကဲ ရာလာပစ်ကတော့ နေတန်ယာဟုနဲ့ သူ့ရဲ့မိန့်ခွန်းကို ဝေဖန်ခဲ့ပါတယ်။
Ref- CNA
About the Author
