၁၈.၅.၂၀၂၄
Written By Thandar
မဟော်ဂနီရုပ်ရှင်ထုတ်လုပ်ရေးက ကိုဂျမန်းကတော့ မေလ ၁၇ ရက် ည ၁၁ နာရီ ၃၁ မိနစ်က ကင်ဆာရောဂါနဲ့ ကွယ်လွန်သွားတယ်လို့ သိရပါတယ်။
“အစ်ကိုဂျမန်း မနေ့က ညပိုင်းက ၁၁ နာရီ ၃၁ မိနစ်မှာ အလ္လာလ်အသျှင်မြတ်အမိန့်တော်ကိုခံယူသွားပါတယ်” လို့ ညီမဖြစ်သူ အာဝေးက ပရိသတ်သိအောင်ပြောလာပါတယ်။
သူဟာ မဟော်ဂနီအမည်နဲ့ ရုပ်ရှင်ဇာတ်ကားတွေ၊ ဗီဒီယိုဇာတ်လမ်းတွေ များစွာရိုက်ကူးထုတ်လုပ်ခဲ့သလို တေးသီချင်းတချို့လည်းရေးသားခဲ့သူလည်းဖြစ်ပါတယ်။
လက်ရှိနာမည်ကြီးနေတဲ့ မင်းသား အကယ်ဒမီ မြင့်မြတ်နဲ့တကွ တခြား အနုပညာရှင်များစွာကို မွေးထုတ်ပေးခဲ့တာလည်းဖြစ်ပါတယ်။
ကိုဂျမန်းက ကင်ဆာဝေဒနာကို နှစ်တချို့ခံစားခဲ့ရတဲ့အတွက် ပြည်တွင်းပြည်ပ ဆေးကုသမှုမကြာခဏဆိုသလို ခံယူနေရတာလည်းဖြစ်ပါတယ်။
“မဟော်ဂနီရုပ်ရှင်ထုတ်လုပ်ရေးမှ ကိုဂျမန်း ကောင်းရာဘုံဘဝရောက်ရှိပါစေ…များစွာစိတ်မကောင်းဝမ်းနည်းကြေကွဲခံစားရပါတယ်”လို့ ဒီဇိုင်နာ မျိုးမင်းစိုးက ပြောပါတယ်။
