အနုပညာရှင်တွေရဲ့ နှစ်သစ်ဆုတောင်း

၃၀. ၁၂. ၂၀၂၃
Written by Thandar

မကြာခင်မှာ ၂၀၂၃ ခုနှစ် နှစ်ဟောင်းကုန်လို့ ၂၀၂၄ ခုနှစ်ကို ကူးပြောင်းတော့မယ့် နှစ်သစ်အတွက် အနုပညာရှင်တွေရဲ့ New Year နှစ်သစ်ဆုတောင်းစကားသံတချို့ကို MT News Entertainment ကတစ်ဆင့် ဖော်ပြလိုက်ရပါတယ် –

◾ ထက်အောင်ရှိုင်း

ပရိသတ်တွေ အားလုံး ကိုယ်စိတ်နှစ်ဖြာ ကျန်းမာချမ်းသာကြပါစေ။ ၂၀၂၄ ခုနှစ်မှာ အောင်မြင်ခြင်း ပျော်ရွှင်ခြင်း ကျန်းမာခြင်း အသစ်တွေနဲ့ နှစ်သစ်ကို ပိုင်ဆိုင်နိုင်ကြပါစေလို့ ဆုတောင်းပါတယ်။

◾ ဟဲလေး

နှစ်သစ်မှာ အားလုံးပဲ ကျန်းမာကြပါစေ။ စိတ်ချမ်းသာကြပါစေ။ ပျော်ရွှင်ချမ်းမြေ့ပါစေ။ အစစအရာရာ အဆင်ပြေပါစေလို့ တောင်းဆုပြုပါတယ်။

◾ စစ်ပိုင်ထက်

ကျွန်တော့် Fan တွေ ချစ်ရတဲ့သူတွေ အားလုံးအားလုံး ၂၀၂၃ ခုနှစ်မှာ စိတ်ညစ်စရာ ခံစားချက်လေးတွေရှိခဲ့တယ်ဆိုရင် ဖြတ်ကျော်နိုင်ခဲ့ပါတယ်။ လာမယ့် ၂၀၂၄ ခုနှစ်မှာ အကုန်လုံးပိုပြီး ကြိုးစားမယ်။ ၂၀၂၄ ခုနှစ်မှာ ကံကောင်းခြင်းများစွာ ပိုင်ဆိုင်နိုင်ကြပါစေလို့ ဆုတောင်းပေးချင်ပါတယ်။

◾ ချမ်းမင်းရဲထွဋ်

လာမယ့် ၂၀၂၄ မှာလည်း စိတ်၏ကျန်းမာခြင်း၊ ကိုယ်၏ ချမ်းသာခြင်းတွေနဲ့ ပြည့်စုံကြပါစေ။ အကြံအစည်တိုင်းလည်း အောင်မြင်ကြပါစေ။ ကောင်းမှု ကုသိုလ်တွေလည်းအများကြီး လုပ်ဆောင်နိုင်ပါစေလို့ ဆုမွန်ကောင်းတောင်းပါတယ်။

◾ ခန့်ကျော်

မကြာခင်မှာ နှစ်သစ်မှာ ကူးပြောင်းတော့မယ်ဆိုတော့ ဒီနှစ်လုပ်ခဲ့တဲ့အလုပ်တွေရော ကြံစည်ထားတဲ့လုပ်ငန်းတွေရော အားလုံး အောင်မြင်ကြပါစေ။ ကိုယ့်ဝမ်းစာအတွက် အဆင်မပြေလို့ စိတ်ဖိစီးမှုတွေ ရှိနေရင်လည်း နှစ်ဟောင်းမှာ ထားခဲ့ပြီးတော့ လာမယ့် နှစ်သစ်မှာ အရာရာ အဆင်ပြေကြပါစေ။ အခက်အခဲတွေကျော်လွှားနိုင်ကြပါစေ။

◾ စင်ဒီမြတ်

၂၀၂၃ ခုနစ်ကလည်း ကုန်ဆုံးတော့မယ်ဆိုတော့ နောက်လာမယ့်နှစ်မှာ စိတ်ရော လူရော စိတ်ချမ်းသာလိုရာဆန္ဒ အားလုံးကို ပြည့်ဝပြီး အကောင်းဆုံးတွေပဲ ရရှိပါစေလို့ ဆုတောင်းပေးပါတယ်။ အခက်အခဲမှန်သမျှကျော်လွှားနိုင်ပါစေ။

◾ ခိုင်နှင်းဝေ

နှစ်သစ်မှာတော့ စိတ်ညစ်စရာတွေ အကုန်ထားခဲ့ပြီး စိတ်သစ်လူသစ်နဲ့ပဲ အကုန်လုံး သွားချင်ပါတယ်။ ဒီအတိုင်း စိတ်သစ်လူသစ်နဲ့ ကုသိုလ်သစ်တွေလည်းပါရအောင် စိတ်ချမ်းသာ ကိုယ်ကျန်းမာစွာနေရအောင် လုပ်ငန်းတွေလည်း အဆင်ပြေအောင်ဆုတောင်းပေးပါတယ်။

◾ သင်ဇာ

၂၀၂၄ နှစ်သစ်က ရောက်တော့မယ်ဆိုတော့ စိတ်၏ကျန်း မာခြင်း၊ ကိုယ်၏ချမ်းသာခြင်းတွေ ပိုင်ဆိုင်နိုင်ကြပါစေ။ အရာရာအဆင်ပြေချောမွေ့ကြပါစေလို့ သင်ဇာက ဆုမွန်ကောင်းတောင်းပါတယ်။ ၂၀၂၄ ခုနှစ်မှာ အနုပညာအလုပ်တွေ အရှိန်မြှင့်လုပ်မှာဖြစ်လို့ ပရိသတ်တွေလည်း အားပေးကြပါဦးလို့ ပြောချင်ပါတယ်။

◾ ဝေလာရီ

လာမယ့် နှစ်သစ်မှာ စိတ်ချမ်းသာ ကိုယ်ချမ်းမာကြပါစေလို့ ဝေလာက ဆုမွန်တောင်းပါတယ်။ ၂၀၂၄ က ချစ်ရတဲ့ပရိသတ်တွေအားလုံးအတွက် ကောင်းမွန်သော နှစ်တစ်နှစ်ဖြစ်ပါစေလို့ ဝေလာ ဆုတောင်းပေးပါတယ် ရှင့်။

◾ အေမီစျာန်

၂၀၂၄ နှစ်သစ်ရောက်တော့မယ်ဆိုတော့ နှစ်စကစပြီး တစ်လပိုင်း ၂၀၂၄ ကစပြီး စိတ်သစ် လူသစ် ကောင်းမွန်ခြင်း ပန်းတိုင်အသစ်တွေကို ကောင်းသထက် ကောင်းအောင်ပုံဖော်နိုင်ပါစေ။ ဒီပေးတဲ့ဆုနဲ့အတူ အေမီဈာန်လည်း တန်ပြန်သက်ရောက်မှုကိုလည်း ကိုယ်တိုင်ခံစားချင်ပါတယ်လို့ ပြောပါရစေ။

◾ ခင်သဇင်

ပရိသတ်တွေလည်း စိတ်သစ် လူသစ် အလုပ်သစ်တွေနဲ့ အချစ်သစ်တော့ ဆုမပေးတော့ပါဘူး။ ပျော်ရွှင်ကြပါစေ ရရှိကြပါစေ လိုအင်ဆန္ဒတွေလည်း ပြည့်ပါစေလို့ ဆုမွန်တောင်းပါတယ်။

◾ Mariam K

အားလုံးလည်း လူသားတစ်‌ယောက်စီတိုင်း ဘဝအမောတွေလည်း အေးချမ်းသွားပြီးတော့ နှစ်သစ်မှာ မက်ထားတဲ့ အိပ်မက်တွေလည်း အကောင်အထည်ဖော်နိုင်ပါစေ။ လိုအင်ဆန္ဒတွေလည်း ပြည့်ဝပါစေ။