MT News
Written By Thandar
အလှမယ်လောကထဲကနေ အနုပညာလောကထဲ ရောက်လာတဲ့ သရုပ်ဆောင်သင်းသင်းရဲ့ Birthday Party ပွဲ အခမ်းအနားကို ဇူလိုင် ၁၃ရက် ညနေပိုင်းက ရန်ကုန်မြို့ တောင်ဥက္ကလာပမြို့နယ် Golden Empire Hotel မှာ ကျင်းပခဲ့ပါတယ်။
ဒီပွဲကို Vocal Trainer ခင်မြတ်မွန် ၊ အဆိုတော်လမင်းကဗျာ ၊ Hair Artist ကိုချန်းလုံ ၊ အဆိုတော်သားဂန်းနဲ့ ဘေဘီမောင်၊ အဆိုတော် ချယ်ရီသင်း၊ အဆိုတော် မိဖူး၊ အဆိုတော် ဝတ်ရည် စတဲ့သူတွေ တက်ရောက်ခဲ့ကြပြီး မွေးနေ့ကိတ်ခွဲပြီး တေးသီချင်းတွေနဲ့ သီဆို ဖျော်ဖြေခဲ့ကြပါတယ်။
“ဒီနှစ်မွေးနေ့က Miss ပွဲလေးနဲ့လည်း ကပ်နေတယ်။ မိုးတွင်းလည်းဖြစ်တော့ မွေးနေ့ပွဲလေးကို အကျဉ်းချုံးပြီးတော့ ကိုယ့်ရင်းနှီးတဲ့ မိတ်ဆွေကို တက်ရောက်ပြီး သီချင်းတွေနဲ့ လာရောက်ဂုဏ်ပြုပေးခဲ့လို့ အတိုင်းမသိ ဝမ်းသာရပါတယ်။ မနက်ကတော့ ဘုရားသွားတယ်။ မိဘမဲ့ကလေးကျောင်းမှာ သွားလှူဖြစ်ပါတယ်။ ဒါကတော့ သင်း နှစ်စဉ်ကုသိုလ်လေးတွေ ပြုရင်းဖြတ်သန်းဖြစ်ပါတယ် “လို့ Miss သင်းသင်းက ပြောပါတယ်။
သူမဟာ မကြာခင် ရက်ပိုင်းက Miss Universe Amarapura First Runner Up ဆုနဲ့ Miss Famous ဆုတို့ကို ရရှိထားသူလည်းဖြစ်ပါတယ်။ သင်းသင်းက ဂီတပိုင်းနဲ့ပတ်သက်ပြီးလည်း လေ့လာသင်ယူနေလျှက်ရှိပါတယ်။
