၂၅.၆.၂၀၂၆
Translated by Htwe Ko Tun
ဗင်နီဇွဲလားနိုင်ငံတွင် ဇွန်လ ၂၄ ရက် ညနေပိုင်းက ဆက်တိုက်ဆိုသလို လှုပ်ခတ်ခဲ့သော ပြင်းအား မဂ္ဂနီကျူ့ ၇ ဒသမ ၂ နှင့် ၇ ဒသမ ၅ အသီးသီးရှိသော အင်အားပြင်း မြေငလျင်တွေကြောင့် အနည်းဆုံး လူ ၃၂ ဦး သေဆုံးပြီး အနည်းဆုံး ၇၀၀ ဦးဒဏ်ရာရရှိကြောင်း ယာယီသမ္မတ ဒယ်လ်စီ ရိုဒရီဂွက်ဇ်က ဇွန်လ ၂၄ ရက် ညပိုင်းမှာ ပြောကြားခဲ့ပါတယ်။
မြို့တော် ကာရာကာ့စ်ရှိ ကယ်ဆယ်ရေးသမားတွေဟာ အပျက်အစီးတွေကြားမှာ ရှာဖွေနေကြပြီး လူတွေက အကူအညီတောင်းခံနေတာကို ကြားနေရပါတယ်။ ကမ်းရိုးတန်းရှိ လာဂွေရာမြို့မှာလည်း ကြီးမားသော ပျက်စီးဆုံးရှုံးမှုတွေ ရှိတယ်လို့ သိရပါတယ်။
အမေရိကန် ဘူမိဗေဒတိုင်းတာရေးဌာနက လူ ၁၀,၀၀၀ မှ ၁၀၀,၀၀၀ ထိ ငလျင်ကြောင့် သေဆုံးနိုင်တယ်လို့ ခန့်မှန်း ပြောကြားထားပါတယ်။
ငလျင်ကြောင့် အဆောက်အအုံတွေမှာ လျှပ်စစ်ဓာတ်အား ပြတ်တောက်နေပြီး မြေအောက်ရထားစနစ်မှာ လုံးဝပိတ်ထားတယ်လို့ ကာရာကာ့စ်မှ BBC သတင်းထောက်က သတင်းပေးပို့ပါတယ်။
အင်အားပြင်း မြေငလျင်တွေက မြို့တော်ရဲ့ အနောက်ဘက်ဒေသမှာ လှုပ်ခတ်ခဲ့ပြီး ကိုလံဘီယာနိုင်ငံ၊ ဘိုဂိုတာမြို့အထိ ဝေးလံသောနေရာမှပင် ခံစားနိုင်တယ်လို့ သိရပါတယ်။
ဗင်နီဇွဲလားနိုင်ငံမှာ ဇွန်လ ၂၄ ရက်မှာ အမျိုးသားရုံးပိတ်ရက်အခမ်းအနားတစ်ခုကို ကျင်းပနေပြီး ဒေသစံတော်ချိန် ၁၈:၀၄ နာရီမှာ ငလျင်လှုပ်ခတ်တော့ လူအများအပြားဟာ သူတို့အိမ်တွေမှာရှိနေကြပါတယ်။
Ref- BBC
About the Author
