နေမိုး
၉. ၆. ၂၀၂၆
မကွေးတိုင်းဒေသကြီး ရေစကြိုမြို့နယ်တွင် ထကြွသောင်းကျန်းနေသော ရေစကြို PDF များက ရေစကြိုမြို့နယ် အမှတ် (၄) ရပ်ကွက်အုပ်ချုပ်ရေးမှူးနှင့် သားဖြစ်သူကို ရေစကြိုမြို့ပေါ်နေအိမ်အထိ သွားရောက်ပစ်သတ်ခဲ့ကြောင်း ကျူးလွန်သည့် ရေစကြိုမြို့နယ် ပြည်သူ့ကာကွယ်ရေးတပ်ဖွဲ့က ယနေ့ ဇွန် ၉ ရက်တွင် ဝန်ခံချက် ထုတ်ပြန်ထားသည်။
အမှတ် (၄) ရပ်ကွက် အုပ်ချုပ်ရေးမှူး ဦးလွင်မျိုးအောင် (ခ) ငလွင် နှင့် ၎င်း၏ သားဖြစ်သူ ကိုရဲမာန်အောင်တို့အား ပျူစောထီးဟုဆိုကာ ဇွန်လ ၈ ရက် ညအချိန်တွင် နေအိမ်သို့ ဝင်ရောက်ဖမ်းဆီးရာ ထွက်ပြေးသဖြင့် နေအိမ်တွင်ပင် သတ်ဖြတ်လိုက်ခြင်းဖြစ်သည်ဟုလည်း ဝန်ခံချက်က ဖော်ပြသည်။
အုပ်ချုပ်ရေးမှူး၏ သားဖြစ်သူမှာ ပျူစောထီး (ပြည်သူ့စစ်) သင်တန်းဆင်းထားသူဖြစ်သည်ဟု ဆင်ခြေပေးထားသော်လည်း သွားရောက်သတ်ဖြတ်ချိန်တွင် လက်နက်သိမ်းဆည်းရမိခဲ့ခြင်းမရှိသဖြင့် ရေစကြို PDF များ၏ လုပ်ရပ်မှာ လက်နက်မဲ့သားအဖကို သတ်ဖြတ်ခဲ့ခြင်းလည်းဖြစ်သည်။
နောက်ဆုံးထုတ်ပြန်ချက်များအရ နွေဦးတော်လှန်ရေးစတင်ချိန် ၂၀၂၁ ခုနှစ် ဖေဖော်ဝါရီလ ၁ ရက်မှ ယမန်နှစ် ဒီဇင်ဘာလ ၂၆ ရက်အထိ NUG၊ PDF နှင့် EAOs တို့က ဒလန်၊ သူလျှိ၊ ပျူစောထီး၊ နစကယန္တရားလည်ပတ်စေသူဟု စွပ်စွဲကာ အကြမ်းဖက် သတ်ဖြတ်မှုများကြောင့် အပြစ်မဲ့အရပ်သားများ၊ သံဃာတော်များ၊ ကလေးသူငယ်များ၊ အုပ်ချုပ်ရေးဆိုင်ရာ တာဝန်ရှိသူများ၊ အစိုးရဝန်ထမ်းများ စုစုပေါင်း ၉၉၀၈ ဦး သေဆုံးခဲ့ကာ ၁၃၀၁၁ ဦး ဒဏ်ရာရရှိခဲ့သည်။
About the Author
