၁၈.၂.၂၀၂၆
Written By Thandar
ပရိသတ်ချစ်ခင်မှုများစွာရရှိထားတဲ့ သရုပ်ဆောင် အကယ်ဒမီ မေမြင့်မိုရ်က ရိုက်ကူးခဲ့တဲ့ ရုပ်ရှင်ဇာတ်ကားနဲ့ ဇာတ်လမ်းတွဲတွေမှာ ကိုယ်ပါဝင်ထားတဲ့ ဇာတ်ကောင်ကာရိုက်တာနာမည်လေးနဲ့ ထပ်တူကျခဲ့တာတွေများတာမို့ ကံကောင်းခြင်းတစ်ခုပဲလို့ ဖွင့်ဟလာပါတယ်။
သူမကတော့ မကြာခင် Mahar Application က ထုတ်လွှင့်မယ့် “ဂေါ်သဇင်”ဇာတ်လမ်းတွဲမှာ သဇင်ဆိုတဲ့ ဇာတ်ကောင်နေရာက ပါဝင်ထားတာလည်းဖြစ်ပါတယ်။
“မကြာခင် ထုတ်လွှင့်မယ့် ဂေါ်သဇင်ဆိုလည်း သဇင်ဆိုတဲ့ ကာရိုက်တာလေးပါ။ သူ့အသက် ၄ နှစ်ကနေ အသက် ၄၀ အထိ ဘဝတစ်လျှောက်လုံးကို ခက်ခဲကြမ်းတမ်းမှုလေးတွေလည်း ပါပါတယ်။ ကောင်မလေးနာမည်က သဇင်မို့ သူ့ကို ကိုယ်စားပြုပြီးတော့ ဂေါ်သဇင်ဆိုတာ ဖြစ်လာတာပါ။ မိဘမဲ့ကောင်မလေးပါ။ မေရဲ့ နာမည်လေး ဇာတ်ကားရဲ့ နာမည်ကတူတယ်။ ပြီးခဲ့တဲ့ အငြိုးဆိုလည်း မေကိုပေးထားတဲ့ နာမည်က အတူတူပဲဆိုတော့လေ။ ဇာတ်ကားရဲ့ ခေါင်းစဉ်နဲ့ ကိုယ့်ဇာတ်ကောင်နာမည်တူနေတာ ထူးဆန်းတယ်ပေါ့။ မေ့ကို ကမ်းလှမ်းတဲ့ ဇာတ်ကောင်နဲ့တူတာလည်း ကိုယ့်အတွက် ကံကောင်းတယ်လို့ပြောလို့ရပါတယ်။ ပုဂံမြို့သူတို့၊ ပန်းနုသွေး၊ အရိပ် ဇာတ်လမ်းတွဲတွေ စရိုက်ကတည်းက နောက်မှတ်မှတ်ရရရုပ်ရှင်ဇာတ်ကားကြီးဆိုလည်း ရည်ရွယ်မိုးဆိုတာလေး ကိုယ့်အတွက်ရခဲ့တယ်။ ကိုယ့်ဇာတ်ကောင် နာမည်နဲ့ ကားနာမည်တစ်ထပ်တည်းဖြစ်နေတာ ကံကောင်းခြင်းတစ်ခုလို ထင်ပါတယ်။ ဒီကားမှာလည်း ပရိသတ်တွေ နည်းနည်းလောင်ရမှာလေးပါပါတယ်”လို့ အကယ်ဒမီ မေမြင့်မိုရ်က ပြောပါတယ်။
အဆိုပါ ဇာတ်ကားကို ဇာတ်လမ်း၊ ဇာတ်ညွှန်း မယ်ခိုင်ကရေးသားပြီး ဒါရိုက်တာ ရာဇဝင်ကိုက ရိုက်ကူးပြီး သရုပ်ဆောင်တွေဖြစ်တဲ့ ကျော်ကျော်ဗို၊ စည်သူဝင်း၊ ဘုန်းရှိန်ခန့်၊ ရဲလွင်ဦး၊ မေမြင့်မိုရ်၊ ချိုမဒီသွင်၊ ဇော်ဝင်းနိုင် (မန်း)၊ သတ္တိ၊ ထက်လျှမ်း၊ ပိုင်အိမ်ခ၊ ဩဩ၊ ကောင်းကောင်း၊ ပီယ၊ ဇော်ကြီး၊ လှမျိုးသဉ္ဇာနွယ်၊ ဝါဝါအောင်၊ လှနုထွန်း၊ ဝါဝါမေမောင်၊ အေးသီတာ၊ စုရှိင်း၊ သာသအောင်၊ သီရိကျော်၊ မေသရဝဏ်၊ မေသွယ် ၊ သင်းနဒီဇော်၊ ဝမ်းဝမ်း၊ ကျော့ကျော့၊ ချစ်မမမိုး၊ နှင်းဧကရီ၊ Aliceနဲ့ သရုပ်ဆောင်များစွာပါဝင်ထားကြပါတယ်။
အပိုင်း ၂၅ ပိုင်းပါဝင်မယ့် အချစ်ဒရာမာဇာတ်လမ်းပုံစံ “ဂေါ်သဇင်” ဇာတ်လမ်းတွဲကို မကြာခင် Mahar Application နဲ့ Mahar Movie Channel လိုင်းတွေက ထုတ်လွှင့်ပြသမှာလည်းဖြစ်ပါတယ်။
#ကျော်ကျော်ဗို #စည်သူဝင်း #ဘုန်းရှိန်ခန့် #ရဲလွင်ဦး #မေမြင့်မိုရ် #ချိုမဒီသွင် #KyawKyawBo #SiThuWin #PhomeSheinKhant #MayMyintMo #ChoMadiTwin #MaharApplication #BoBoFilmProduction #ဂေါ်သဇင်ဇာတ်လမ်းတွဲ
About the Author
