၉.၁၂.၂၀၂၅
Written by Linn Eain
ရန်ကုန်မြို့ ရေဝေးသုသာန်ရှိ ကွယ်လွန်သွားရှာပြီဖြစ်သည့် ဆရာကြီးဦးသုခ အပါအဝင် စာရေးဆရာ၊ ကဗျာဆရာများ၏ အုတ်ဂူများတွင် နာရေးကူညီမှုအသင်း(ရန်ကုန်)က သန့်ရှင်းရေးများပြုလုပ်ပေးခဲ့ကြောင်း သိရသည်။
နာရေးကူညီမှုအသင်း(ရန်ကုန်)၏ ဦးဆောင်ပဓာန နာယက စာရေးဆရာ၊ ဒါရိုက်တာဦးသုခ ကွယ်လွန်ခြင်း(၂၀)နှစ်ပြည့် အထိမ်းအမှတ်အဖြစ် ရေဝေးသုသာန်ရှိ အုတ်ဂူကို နာ/ကူအသင်းမှသရုပ်ဆောင်ထွန်းကိုကိုနှင့် အသင်းသူ/သားများ၊ ဝန်ထမ်းများက ဒီဇင်ဘာ ၇ ရက်၊ နံနက် ၇ နာရီခွဲတွင် သွားရောက်သန့်ရှင်းရေးပြုလုပ်ခဲ့ပြီး ဂါရဝပြုကန်တော့ကာ ပရဟိတသစ္စာဆိုခဲ့ကြောင်း သိရသည်။
ထို့ပြင် ရေဝေးသုသာန်အတွင်းရှိ စာရေးဆရာ၊ ကဗျာဆရာများ၏ အုတ်ဂူများတွင်လည်း သန့်ရှင်းရေးများ ပြုလုပ်ပေးခဲ့ကြောင်း နာရေးကူညီမှုအသင်း(ရန်ကုန်)၏ လူမှုကွန်ရက်စာမျက်နှာတွင် ဖော်ပြထားသည်။
ထိုသို့ သန့်ရှင်းရေးများပြုလုပ်ရာတွင် ဟံသာဝတီဦးဝင်းတင်၊ ကဗျာဆရာတင်မိုး၊ ဦးအောင်သင်း၊ မင်းသိင်္ခ၊ ဦးစိန်တင်(အမျိုးသားရုပ်ရှင်)၊ ပန်းချီခင်မောင်ရင်၊ စာရေးဆရာ မောင်သာချိုနှင့် အခြားအထင်ကရအုတ်ဂူများကို သန့်ရှင်းရေးပြုလုပ်ပေးခဲ့ကြောင်း သိရသည်။
About the Author
