၁၃. ၁၁. ၂၀၂၅
Written by Nyein Kyaw
ဗဟိုဘဏ်မှ စက်သုံးဆီလုပ်ငန်းရှင်များအတွက် ဒေါ်လာ ၂၇ သန်း ထပ်မံထုတ်ရောင်းမည်ဖြစ်၍ ယခုဘဏ္ဍာနှစ် ခုနစ်လခွဲအတွင်း ဒေါ်လာသန်း ၈၅၀ ကျော် ထုတ်ရောင်းပေးထားခဲ့ကြောင်း မြန်မာနိုင်ငံတော်ဗဟိုဘဏ်မှ ထုတ်ပြန်ထားသည့် စာရင်းများအရ သိရသည်။
ဗဟိုဘဏ်မှ စက်သုံးဆီလုပ်ငန်းရှင်များအတွက် နိုင်ငံခြားငွေများ ထုတ်ရောင်းပေးခဲ့ရာ ၂၀၂၅-၂၀၂၆ ဘဏ္ဍာနှစ်အစ ဧပြီလတွင် ၉၃ သန်း၊ မေလတွင် ဒေါ်လာ ၈၆ သန်းနှင့် ထိုင်းဘတ်သန်း ၂၀၀၊ ဇွန်လတွင် ဒေါ်လာ ၁၂၅ သန်း၊ ဇူလိုင်လတွင် ဒေါ်လာ ၁၅၃ သန်း၊ ဩဂုတ်လတွင် ဒေါ်လာ ၁၂၆ သန်း၊ စက်တင်ဘာလတွင် ဒေါ်လာ ၉၉ သန်းနှင့် အောက်တိုဘာလတွင် ဒေါ်လာ ၁၂၂ သန်း ထုတ်ရောင်းပေးထားသည်။
နိုဝင်ဘာလအတွင်း ယခုထုတ်ရောင်းပေးမှုအပါအဝင် နှစ်ကြိမ်ထုတ်ရောင်းမှု ဒေါ်လာ ၅၇ သန်း ထုတ်ရောင်းပေးထား၍ ယခုဘဏ္ဍာနှစ် ခုနစ်လခွဲအတွင်း စက်သုံးဆီလုပ်ငန်းရှင်များအတွက် ဗဟိုဘဏ်မှ ဒေါ်လာ ၈၅၁ သန်းနှင့် ထိုင်းဘတ်သန်း ၂၀၀ အထိ ထုတ်ရောင်းပေးခဲ့ခြင်းဖြစ်သည်။
ပြည်တွင်း စက်သုံးဆီဈေးကွက်၌ ယနေ့တွင် ဓာတ်ဆီ ၉၂ တစ်လီတာ ၂,၆၁၀ ကျပ်၊ ဓာတ်ဆီ ၉၅ တစ်လီတာ ၂,၆၈၅ ကျပ်၊ ရိုးရိုးဒီဇယ် တစ်လီတာ ၂,၅၁၀ ကျပ်နှင့် ပရီမီယံဒီဇယ် တစ်လီတာ ၃,၀၄၅ ကျပ်ဖြစ်ပေါ်လျက်ရှိသည်။ ပြီးခဲ့သည့် အောက်တိုဘာလကုန်ပိုင်းနှင့် နှိုင်းယှဉ်ပါက ဓာတ်ဆီတစ်လီတာ ၁၀၀ ကျပ်ဝန်းကျင် ကျဆင်းခဲ့သော်လည်း ဒီဇယ်ဈေးနှုန်းများ တစ်လီတာ ကျပ် ၉၀ ဝန်းကျင် မြင့်တက်ခဲ့သည်။
About the Author
