MT News
၁. ၅. ၂၀၂၅
အပစ်ရပ်မည်ကြေညာပြီးမှ ကတိမတည်ကြသည့် AA အပါအဝင် မြောက်ပိုင်းသုံးဖွဲ့က ငလျင်နောက်ဆက်တွဲ လုပ်ငန်းများနှင့်ဆက်စပ်၍ တိုက်တာအဆောက်အအုံများရှင်းလင်းရေးနှင့် လူသားချင်းစာနာထောက်ထားရေးလုပ်ငန်းများ ဆက်လက်ဆောင်ရွက်နိုင်ရေးတို့အတွက် တစ်ဖက်သတ် အပစ်ရပ်ကာလအား နောက်ထပ် (၁) လ သက်တမ်းထပ်တိုးကြောင်း ယနေ့ကြေညာလာပြန်သည်။
မြန်မာနိုင်ငံ၏ စစ်ကိုင်းတိုင်း၊ မန္တလေးတိုင်း၊ ရှမ်းပြည်နယ်၊ ပဲခူးတိုင်းနှင့် နေပြည်တော် အပါအဝင် မြန်မာနိုင်ငံအတွင်းရှိ နေရာအနှံ့အပြားတို့၌ ၂၀၂၅ ခုနှစ်၊ မတ်လ (၂၈/၂၉/၃၀) ရက်များတွင် လှုပ်ခတ်ခဲ့သော ရစ်ချ်တာစကေး (၇ ဒသမ ၇) အဆင့်ရှိ အင်အားအလွန်ပြင်း ငလျင်ကြီးနှင့် နောက်ဆက်တွဲ ငလျင်ငယ်များကြောင့် ပျက်စီးဆုံးရှုံးသွားသော လူနေတိုက်တာအဆောက်အအုံများ၊ သာသနိကအဆောက်အအုံများနှင့် သမိုင်းဝင် အမွေအနှစ်များကို ရှင်းလင်းဖယ်ရှားရန်နှင့် ငလျင်အပျက်အစီး အဆောက်အအုံများအကြား အသက်ရှင် ကျန်ရစ် နေသော လူနှင့်အိမ်မွေးတိရစ္ဆာန်များကို ရှာဖွေကယ်ဆယ်ရေးလုပ်နိုင်ရန်အတွက် လူသားချင်းစာနာထောက်ထား မှုဆိုင်ရာ တစ်ဖက်သတ် အပစ်ရပ်စဲသော ထုတ်ပြန်ချက်ကို ညီနောင်မဟာမိတ် (၃) ဖွဲ့မှ ၂၀၂၅ ခုနှစ်၊ ဧပြီလ (၁) ရက်နေ့မှ (၃၀) ရက်နေ့အထိ တစ်ဖက်သတ် အပစ်ရပ်ကြောင်း ထုတ်ပြန်ကြေညာခဲ့ပြီး ဖြစ်သည်ဟုဆိုသည်။
သို့ရာတွင် အဆိုပါအင်အားပြင်းငလျင်နှင့် ငလျင်ငယ်များ၏ နောက်ဆက်တွဲလှုပ်ခတ်မှုများကြောင့် မြန်မာနိုင်ငံအနှံ့အပြားရှိ ထိခိုက်ပျက်စီးဆုံးရှုံးခဲ့ရသည့် ကြီးမားသော ပျက်စီးဆုံးရှုံးမှုများကို လုပ်ဆောင်နေကြသည့် ကယ်ဆယ်ရေးလုပ်ငန်းစဉ်များသည် (၁) လတာ ကြာသည့်တိုင်အောင် ရှင်းလင်း ဖယ်ရှားရေးလုပ်ငန်းများကို ထိရောက်စွာ လုပ်ဆောင်နိုင်ခြင်းမရှိသေးသည်ကို တွေ့ရှိရသည်။ ထို့ကြောင့် ငလျင်နောက်ဆက်တွဲ လုပ်ငန်းများနှင့် ဆက်စပ်သောလုပ်ငန်းများ ဆက်လက်ဆောင်ရွက်နိုင်ရန် အချိန်ထပ်မံလိုအပ်နေမည်ဖြစ်သောကြောင့် ၂၀၂၅ ခုနှစ်၊ မေလ (၁) ရက်နေ့မှ (၃၁) ရက်နေ့အထိ လူသားချင်းစာနာထောက်ထားမှုဆိုင်ရာ တစ်ဖက်သတ် အပစ်ရပ်ကာလအား ထပ်မံ၍ နောက်ထပ် (၁) လ သက်တမ်း တိုးလိုက်သည်ဟုလည်းပြောသည်။
ထို့ကြောင့် ဤထုတ်ပြန်ချက်အား ထုတ်ပြန်ကြေညာလိုက်သည့်အချိန်မှစ၍ ညီနောင်မဟာမိတ် (၃) ဖွဲ့နှင့် တပ်မတော်တို့ တိုက်ပွဲဖြစ်ပွားလျက်ရှိသော နေရာများတွင် မိမိကိုယ်မိမိ ခုခံကာကွယ်သော တုံ့ပြန်မှုမျိုးမှလွဲ၍ မိမိတို့ဘက်မှ စတင်ထိုးစစ်ဆင်တိုက်ခိုက်ခြင်းမျိုး ပြုလုပ်မည်မဟုတ်ကြောင်း အသိပေးထုတ်ပြန် အပ်သည်ဟုလည်း ပြောသည်။
မြောက်ပိုင်းလက်နက်ကိုင်သုံးဖွဲ့အနေဖြင့်အပစ်ရပ်မည်ဟု လိမ်လည်ထုတ်ပြန်မှုများ မကြာခဏပြုလုပ်ခဲ့ပြီး ယမန်နှစ်ကလည်း MNDAA က လားရှိုးကို တရုတ်အလိုကျအပစ်ရပ်မည် လိမ်လည်ကြေညာပြီးမှ ထိုးစစ်ဆင်ကာ လူရာချီ ရက်စက်စွာသတ်ဖြတ်ပြီး လားရှိုးမြို့သိမ်းခဲ့သလို AA ကလည်း ငလျင်ကြောင့် ဧပြီတစ်လလုံး ယာယီအပစ်ရပ်မည်လိမ်လည်ကြေညာပြီးမှ ကာလရှည်တိုက်သော်လည်း မသိမ်းနိုင်ခဲ့သည့် ညောင်ကျိုးစခန်းကို အယုံသွင်းတိုက်ယူခဲ့သလို ဧရာဝတီတိုင်းတွင်လည်း ထိုးစစ်များစွာပြုလုပ်နေသည်။
About the Author
