၁၇.၁.၂၀၂၄
Written by KL
မြန်မာနိုင်ငံတွင် ပထဆုံးအကြိမ်အဖြစ် နိုင်ငံတကာ အိမ်မွေးတိရစ္ဆာန် အလှအပရေးရာအသိအမှတ်ပြု လက်မှတ်ပေးအပ်ပွဲနှင့် အိမ်မွေးတိရစ္ဆာန်ပွဲတော် (International Grooming Certification & Pet Fair Myanmar 2024) ကို ရန်ကုန်တိုင်းဒေသကြီး၊ သုဝဏ္ဏမြို့နယ်၊ Zawana Stadium ၌ ဖေဖော်ဝါရီ ၃ ရက်နှင့် ၄ ရက်နေ့တို့တွင် ကျင်းပသွားမည်ဖြစ်ကြောင်း စီစဥ်သူများထံမှ သိရသည်။
အဆိုပါပွဲတော်တွင် အိမ်မွေး ခွေး၊ ကြောင်တို့၏ Pet Fashion Show၊ အိမ်မွေးတိရစ္ဆာန်ချစ်သော အနုပညာရှင်များ၊ ကျော်ကြားသူများနှင့်တွေ့ဆံခြင်းအစီအစဥ်၊ Groomer များအတွက် မိမိ၏အိမ်မွေးတိရစ္ဆာန်များနှင့် အမွေးညှပ်ပြီး Grooming ပညာများ ပြသနိုင်မည့် Grooming Free Show အစီအစဉ်များနှင့် အခြားအစီအစဥ်များလည်း ပါဝင်ကြောင်း သိရသည်။
ဝင်ရောက်ဖြေဆိုသူ Groomer များအနေဖြင့် စာမေးပွဲဖြေဆိုမည့် ခေါင်းစဉ်များကို International Grooming Certification & Pet Fair Myanmar Facebook Page တွင် ဝင်ရောက် လေ့လာနိုင်မည်ဖြစ်သည်။
အဆိုပါပွဲတော်ကို Main Organizer အဖြစ် Mandalay Pet Shop, Hotel, Spa & Clinic၊ Co-organizer အဖြစ် ဘိုမ, Bo Ma Pet Grooming and Spa တို့ပူးပေါင်း၍ Malaysia နိုင်ငံအခြေစိုက် SuperGroom အဖွဲ့အစည်း၏ ကူညီပံ့ပိုးမှုဖြင့် ကျင်းပခြင်းဖြစ်ကြောင်း သိရသည်။
