MT News
၂၇. ၉. ၂၀၂၃
အိတ်စ်တာစီးတီး ၁ – ၀ လူတန်တောင်း
အစ်ဆွစ်ချ် ၃ – ၂ ဝုလ်ဗ်
မန်းစ်ဖီးလ် ၂ – ၂ ပီတာဘရော့ (ပင်နယ်တီ ၃-၁)
ပို့တ်ဗေးလ် ၂ – ၁ ဆပ်တန်တောင်း
ဆဲလ်ဖို့ဒ် ဝ – ၄ ဘန်လေ
မန်ယူ ၃ – ၀ ခရစ္စတယ်ပဲလေ့စ်
ကစားပုံမကောင်း၊ ဂိုးမသွင်းနိုင်ဘဲ ရှုံးပွဲတွေကြုံနေရလို့ ဝေဖန်ခံနေရတဲ့ မန်ယူအသင်းဟာ လူငယ်တွေနဲ့ ပွဲထွက်လာခဲ့ပေမဲ့ Old Trafford မှာ ပထမဆုံးပါဝင်လာခဲ့တဲ့ အမ်ရာဘတ်ရဲ့ ခြေစွမ်းပြမှုနဲ့အတူ ကာစီမီရိုတို့ ကိုယ့်ဂိုးကိုယ်သွင်းနေကြ မက်ဂွိုင်းယားတို့ပါ ပေါ်လွင်စေခဲ့တာပါ။ ဒါကြောင့်လည်း ပထမပိုင်းမှာတင် ဂါနာချို၊ ကာစီမီရိုတို့သွင်းဂိုးတွေနဲ့ ဂိုးပြတ်အနိုင်ရထားသလို ဒုတိယပိုင်းမှာလည်း မာရှယ်ရဲ့ သွင်းဂိုးနဲ့ ပဲလေ့စ်ကို သက်သောင့်သက်သာအနိုင်ယူခဲ့တာပါ။
ပရီးမီးယားလိဂ်က ဝုလ်ဗ်တို့ကတော့ ချန်ပီယံရှစ်က အစ်ဆွစ်ကို ပထမပိုင်း ၄ မိနစ်နဲ့ ၁၄ မိနစ်မှာ နှစ်ဂိုးပြတ်သွင်းပြီးမှ အစ်ဆွစ်က ၂၈ မိနစ်၊ ၃၉ မိနစ်နဲ့ ၅၈ မိနစ်မှာ သုံးဂိုးပြန်သွင်းပြီး အနိုင်ယူသွားခဲ့လို့ ဂိုးပြတ်နိုင်ပြီဆိုပြီး ပြိုင်ဘက်ကိုအထင်သေးခဲ့တဲ့ ဝုလ်ဗ်တို့ အရှုံးနဲ့ပြန်ခဲ့ရတာပါ။
ကရာဘောင်းဖလား စတုတ္ထအဆင့်မဲခွဲပွဲကို ဒီနေ့ည ယှဥ်ပြိုင်ကစားမဲ့ ပွဲစဥ်တွေအပြီး မဲခွဲသွားမှာဖြစ်ပြီး ဒီနေ့ညမှာလည်း နယူးကာဆယ်နဲ့ မန်စီးတီး၊ အက်စတွန်ဗီလာနဲ့ အဲဗာတန်၊ ချဲလ်ဆီးနဲ့ ဘရိုက်တန်၊ လီဗာပူးနဲ့ လက်စတာ၊ ဘရန့်ဖို့တ်နဲ့ အာဆင်နယ်တို့လို့ ကြည့်ကောင်းဦးမဲ့ အသင်းကြီးအသင်းကောင်းတွေ ပါဝင်နေတာပါ။
