၁၆. ၈. ၂၀၂၃
Written by Peya
ရန်ကုန်တိုင်းဒေသကြီး၊ အင်းစိန်မြို့နယ်တွင် ကားသုံးစီး ဆင့်တိုက်မှု ဖြစ်ပွားရာ ယာဉ်မောင်းတစ်ဦး ကားခေါင်းခန်းတွင် ညပ်နေသည့်အတွက် ကယ်ထုတ်ခဲ့ရကြောင်း သွားရောက်ကူညီဆောင်ရွက်ပေးနေသည့် ပရဟိတအဖွဲ့များထံမှ ကနဦး သိရသည်။
ဖြစ်စဉ်မှာ ဩဂုတ်လ ၁၆ ရက် ညနေပိုင်း ၄ နာရီ မိနစ် ၄၀ အချိန်ခန့်တွင် ရန်ကုန်တိုင်းဒေသကြီး အင်းစိန်မြို့နယ်၊ အောင်ဆန်းရပ်ကွက်၊ အောက်မင်္ဂလာဒုံလမ်းတွင် ကျောင်းကားတစ်စီး အပါအဝင် ယာဉ်သုံးစီး ဆင့်တိုက်မှု ဖြစ်ပွားခဲ့ခြင်းဖြစ်ပြီး ကယ်ဆယ်ရေး လုပ်ငန်းများကို ဆောင်ရွက်ခဲ့ရခြင်း ဖြစ်သည်။
“ယာဉ်မောင်းကို ဆွဲထုတ်နိုင်ခဲ့ပါတယ်။ ဒီလောက်ပဲ ပြောလို့ရပါသေးတယ်” ဟု ကူညီကယ်ဆယ်ရာတွင် ပါဝင်ခဲ့သူ တစ်ဦးက MT News သတင်းဌာနသို့ ကနဦး ဆက်သွယ်မှုတွင် ဖြေကြားထားသည်။
