၁၆. ၈. ၂၀၂၃
Written By Thandar
အကယ်ဒမီ ရွှေမှုံရတီ အထူးပါဝင်သရုပ်ဆောင်ထားပြီး Lavender Film Production က တင်ဇာပိုင် စီစဉ်ထားထားတဲ့ ” စိတ်ကြီးဝင်နေတဲ့ မိန်းမ” ရုပ်ရှင်ဇာတ်ကား Premiere Show ကို ဩဂုတ်လ ၁၅ ရက် ညနေပိုင်းက ရန်ကုန်မြို့ သမ္မတရုပ်ရှင်ရုံမှာ ကျင်းပခဲ့ပါတယ်။
ဒီဇာတ်ကားကို ဒါရိုက်တာ ရာဇဝင်ကို ကိုယ်တိုင်က ရွှေမှုံရတီရဲ့ ကာရိုက်တာကို ပုံဖော်ပြီး ဇာတ်လမ်း၊ ဇာတ်ညွှန်း ရေးဖွဲ့ရိုက်ကူးထားတာပါ။
“ဒီဇာတ်ကားက၂၀၁၈ ခုနှစ်လောက်တုန်းက ရိုက်ထားတာဆိုတော့ ကျွန်တော်ငယ်ငယ်တုန်းက ဇာတ်ကားလေးပါ။ ပါဝင်ရတဲ့ ဇာတ်ဝင်ခန်းကလည်း နည်းပါတယ်။ အဲဒီအချိန်တုန်းက မရွှေမှုံက အရမ်းအောင်မြင်နေတဲ့ အချိန်ဆိုတော့ သူ့ကိုရှိန်တာတွေရှိခဲ့တယ်။ ဒါပေမယ့်လည်း အမက သဘောကောင်းပြီး လက်တွဲခေါ်ပေးခဲ့ပါတယ်” လို့ Everest မိုးက ပြောပါတယ်။
” စိတ်ကြီးဝင်နေတဲ့ မိန်းမ” ဇာတ်ကားမှာ ရွှေမှုံရတီက အထူးသရုပ်ဆောင်ထားပြီး မြတ်သူကျော်၊ Everest မိုး၊ ဂျိုကာ၊ စိုးမြတ်သူဇာ၊ မေပန်းချီ၊ တက္ကသိုလ် ဂွမ်းပုံ၊ ဘင်း၊ ဖြိုးရာဇာနိုင်၊ မင်းမြန်မာ၊ မိုးကောင်းကင်၊ ပိုးပိုး၊ ဇာခြည်လွင်နဲ့ အနုပညာရှင်တွေပါဝင်ထားပါတယ်။
ဒီဇာတ်ကားကို သြဂုတ်လ ၁၈ ရက်ကစပြီး မြန်မာနိုင်ငံတစ်ဝန်းက ရုပ်ရှင်ရုံတွေမှာ ရုံတင်ပြသမယ်လို့ သိရပါတယ်။
