၁. ၆. ၂၀၂၃
Written and Photo by Peya
မြန်မာနိုင်ငံတစ်နိုင်ငံလုံးရှိ တက္ကသိုလ်များ၊ ကောလိပ်များ ယနေ့ စတင်ဖွင့်လှစ်လိုက်ပြီဖြစ်ကာ ပထမနေ့တွင် ဘာသာရပ်အလိုက်ကျောင်းသား၊ ကျောင်းသူများ တက်ရောက်မှုများပြားကြောင်းသိရသည်။
MT News က သွားရောက်ခဲ့သည့် ရန်ကုန်အရှေ့ပိုင်းတက္ကသိုလ်တွင်လည်း ဇွန်လ ၁ ရက်တွင် ကျောင်းသား၊ ကျောင်းသူများဖြင့် စတင်အသက်ဝင်နေပြီဖြစ်သည်။
“ဒီနှစ်က မနှစ်ကထက် ကျောင်းအပ်တဲ့သူများသလို တက်တဲ့သူလည်းများမယ့် နှစ်တစ်နှစ်ဖြစ်ပါတယ်” ဟု ရန်ကုန်တိုင်းဒေသကြီးအတွင်း တာဝန်ထမ်းဆောင်နေသူ ကထိကတစ်ဦးက ပြောသည်။
