၁၈.၈.၂၀၂၆
Translated by Htwe Ko Tun
ရုရှားနိုင်ငံရှိ ပစ်မှတ်များကို ယူကရိန်းက တိုက်ခိုက်မှုများတွင် ဗြိတိန်လုပ် မောင်းသူမဲ့လေယာဉ် ဒရုန်းများ ကို အသုံးပြုခဲ့ကြောင်း အတည်ပြုပြီးနောက် ဗြိတိန် (ယူနိုက်တစ်ကင်းဒမ်း) သည် ယူကရိန်းအကျပ်အတည်း အခြေအနေကို တိုးမြှင့်ရန် ရည်ရွယ်ချက်ရှိရှိ ရွေးချယ်လုပ်ဆောင်နေကြောင်း ရုရှားက စွပ်စွဲခဲ့သည်။
ဗြိတိန်နိုင်ငံဆိုင်ရာ ရုရှားသံရုံး၏ ကြေညာချက်တစ်စောင်တွင် “ထိုသို့ပြုလုပ်ရာတွင် ဗြိတိန်သည် သွေးထွက်သံယို ရာဇဝတ်မှုများနှင့် အကြမ်းဖက်တိုက်ခိုက်မှုများ၏ ကြံရာပါနှင့် ပူးတွဲကျူးလွန်သူအဖြစ် လုပ်ဆောင်နေသည်” ဟု ရေးသားခဲ့သည်။
ကြေညာချက်တွင် “ဗြိတိန်အစိုးရ၏ လုပ်ရပ်များသည် မလွဲမသွေ တုံ့ပြန်ခံရမည့် အကျိုးဆက်များကို သယ် ဆောင်လာလိမ့်မည်” ဟုဖော်ပြခဲ့ပြီး ပဋိပက္ခတွင် ပါဝင်ပတ်သက်မှု ပိုမိုနက်ရှိုင်းလေ၊ “၎င်းတို့ ပေးဆပ်ရမည့် တန်ဖိုး ပိုမိုမြင့်မားလေဖြစ်သည်” ဟု ပြောကြားထားခဲ့သည်။
ထိုကြေညာချက်ကိုတုံ့ပြန်မှုအနေဖြင့် ဗြိတိန်ကာကွယ်ရေးဝန်ကြီးဌာန (MoD) ၏ ပြောရေးဆိုခွင့်ရှိသူတစ်ဦးက ဗြိတိန်သည် ယူကရိန်းနှင့်အတူ ပခုံးချင်းယှဉ် ရပ်တည်ခဲ့ကြောင်း BBC News သို့ ပြောကြားခဲ့သည်။
“ယူကရိန်းတွင် ရုရှား၏ ကျူးကျော်မှုကို ဆန့်ကျင်ရန်နှင့် ဗြိတိန်နှင့် ကျွန်ုပ်တို့၏ မဟာမိတ်များကို ဆန့်ကျင်ရန် ဤအစိုးရ၏ ဆုံးဖြတ်ချက်ကို ရုရှားက သံသယဖြစ်စရာမလိုပါ” ဟု ပြောရေးဆိုခွင့်ရှိသူက ကြေညာချက်တစ်စောင်တွင် တုံ့ပြန်ပြောကြားခဲ့သည်။
ဗြိတိန်သည် “ရုရှားသမ္မတ ဗလာဒီမာ ပူတင်၏ တရားမဝင်ကျူးကျော်မှုမှ ယူကရိန်းနိုင်ငံအား ကာကွယ်ရန် လိုအပ်သော ပစ္စည်းကိရိယာများ ပံ့ပိုးပေးရန် ကတိပြုထားသည်” ဟု ကြေညာချက်က ထပ်လောင်းပြောကြားခဲ့သည်။
ဗြိတိသျှကုမ္ပဏီနှစ်ခုမှ တည်ဆောက်ထားသော အဆိုပါဒရုန်းများကို ရုရှားနိုင်ငံအတွင်းတွင် အွန်လိုင်းရောင်းချသူ Wildberries ၏ ရေနံချက်စက်ရုံများနှင့် ဂိုဒေါင်များအပါအဝင် စစ်ရေးနှင့် စက်မှုလုပ်ငန်းပစ်မှတ်များကို ကျယ်ကျယ်ပြန့်ပြန့်နှင့် အောင်မြင်စွာ ပစ်မှတ်ထားရာတွင် အသုံးပြုခဲ့သည်။
ယူကရိန်းက ရုရှား၏ Amazon ဗားရှင်းဟု လူသိများသော ကုမ္ပဏီကို အကြိမ်ကြိမ် ပစ်မှတ်ထားခဲ့ပြီး Wildberries ၏ အကြီးမားဆုံး ထောက်ပံ့ ပို့ဆောင်ရေးစင်တာ ၁၀ ခုတွင် ခုနစ်ခုမှာ လုပ်ငန်းမလည်ပတ် နိုင်ဟု ပြောကြားခဲ့သည်။
စစ်ဘက်သတင်းရင်းမြစ်တစ်ခုက ဗြိတိန်ဒရုန်းများကို ယူကရိန်းကတိုက်ခိုက်မှုများတွင် အသုံးပြုခဲ့ပြီး ဗြိတိန်အတွက် ပေါင် ၃၅ ဘီလျံကျော် စီးပွားရေး ပျက်စီး ဆုံးရှုံးမှုများ ဖြစ်ပေါ်စေခဲ့သည်ဟု BBC သို့ အတည်ပြုပြောကြားခဲ့သည်။
ဟူကရိန်း၏ ညတွင်းချင်း နောက်ဆုံးတိုက်ခိုက်မှုများတွင် ရုရှားအရာရှိများက မော်စကိုမြို့ကို ဝန်းရံ ထားသော ဒေသသို့ ဒရုန်း ၆၂၀ ခန့် ပျံသန်းခဲ့ကြောင်း ပြောကြားခဲ့သည်။ ရုရှားလေကြောင်း ကာကွယ်ရေးစနစ်သည် ဒရုန်း ၁၈၀ ကျော်ကို ဖျက်ဆီးခဲ့သော်လည်း လူအများအပြား ဒဏ်ရာရရှိခဲ့ကြောင်း အရာရှိများက ပြောကြားခဲ့သည်။
Ref: BBC
About the Author
