၁၁.၃.၂၀၂၆
Written By Thandar
Brave Empire Entertainment ထုတ်လုပ်တဲ့ အချစ်ဇာတ်လမ်းပုံစံ “နွေသင်္ကြန် ”ရုပ်ရှင်ဇာတ်ကားကြီး Press Conference အခမ်းအနားကို မတ်လ ၁၁ ရက် ညနေပိုင်းက ရန်ကုန်မြို့ Time City Promotion Area မှာ အနုပညာရှင်တွေနဲ့ စည်ကားသိုက်မြိုက်စွာ ကျင်းပခဲ့ပါတယ်။
“ကျွန်တော်က ဒီဇာတ်ကားမှာ ရွာသားလေးတစ်ယောက် ကာရိုက်တာနဲ့ ပါဝင်ထားပါတယ်။ ပန်းချီကို ဝါသနာပါတဲ့ လူငြိမ်းဆိုတဲ့နေရာကပါ။ ကျေးလက်ဒေသ ရွာသင်္ကြန်အငွေ့အသက်လေးတွေပါတဲ့ ဇာတ်ကားလေးပါ။ ကိုယ်က မြန်မာလူမျိုးမို့ သင်္ကြန်ကိုချစ်မြတ်နိုးတဲ့ အထဲမှာလည်းပါပါတယ်။ တံခွန်နဲ့သင်ဇာ ဒီကားမှာ အတွဲအစပ်လေးနဲ့ပါပါတယ်။ ချစ်စရာကောင်းတဲ့ သင်္ကြန်ဇာတ်လမ်းလေးပါ။ မကြာခင် ရုံတင်ရင်လည်း ပရိသတ်တွေ အားပေးကြပါဦးလို့ပြောချင်ပါတယ်”လို့ သရုပ်ဆောင် ပိုင်တံခွန်က ပြောပါတယ်။
အဆိုပါ အခမ်းအနားမှာ ပိုင်တံခွန်၊ ချာလီငြိမ်း၊ သင်ဇာဝင့်ကျော်၊ မေမြင့်မိုရ်၊ ဒါရိုက်တာကိုဇော်(အရုဏ်ဦး)၊ ထုတ်လုပ်ရေးဘက်က သူတွေတက်ရောက်ခဲ့ကြပြီး သင်္ကြန်ယိမ်းအကတွေ ဖျော်ဖြေတင်ဆက်ခဲ့ကြပါတယ်။
ဒါ့ပြင် မုန့်လုံးရေပေါ် နဲ့ ရွှေရင်းအေး စတုဒီသာတွေကျွေးမွေးခဲ့ကြပြီး သရုပ်ဆောင်တွေနဲ့အတူ ပျော်ပျော်ရွှင်ရွှင်တွေ့ဆုံပြီး Game ကစားခဲ့ကြပါတယ်။
ဒီဇာတ်ကားကို ဇာတ်လမ်း အကယ်ဒမီအေးသီရိကို၊ ဇာတ်ညွှန်း ရာဇဝင်ကို၊ ဒါရိုက်တာ ကိုဇော်(အရုဏ်ဦး)၊ သရုပ်ဆောင် ပိုင်တံခွန်၊ ချာလီငြိမ်း၊ သင်ဇာဝင့်ကျော်၊ အကယ်ဒမီ မေမြင့်မိုရ်၊ အောင်ခိုင်၊ ဆင်မ၊ ဝါဝါအောင်၊ ယွန်းရွှေရည်၊ စူပါလင်း၊ ရန်ပြေ စတဲ့သူတွေ ရိုက်ကူး ပါဝင်ထားကြပါတယ်။
“နွေသင်္ကြန်”ရုပ်ရှင်ဇာတ်ကားကြီးကိုလာမယ့် မတ်လ ၂၀ ရက်နေ့က စတင်ပြီး မြန်မာတစ်ပြည်လုံးရှိ အဆင့်မြင့်ရုပ်ရှင်ရုံတွေမှာ ရုံတင်ပြသမှာဖြစ်ပါတယ်။
#ပိုင်တံခွန် #သင်ဇာဝင့်ကျော် #မေမြင့်မိုရ် #ချာလီငြိမ်း #PaingTakhon #ThinzarWintKyaw #CharLi #MayMyintMo #နွေသင်္ကြန် #BraveEmpireEntertainment
About the Author
