၁၇.၁.၂၀၂၆
Photo – Linn Eain
ရန်ကုန်တိုင်းဒေသကြီး၊ ကျောက်တန်းမြို့နယ်ရှိ ပီလခတ် စရီအန်ဂါလဲ အီ(စ်)၀ရီ-စရီ မဟာမူနီ(စ်)၀ရရ် ဟိန္ဒူဘုရားကျောင်း၏ ဟိန္ဒူရိုးရာနွားလွှတ်ပွဲကို ဇန်နဝါရီ ၁၇ ရက်၊ နေ့လယ် ၁ နာရီ ၁၅ မိနစ်တွင်
စတင်ကျင်းပခဲ့ပြီး ၂ နာရီခွဲတွင် ပြီးဆုံးခဲ့သည်။
အဆိုပါနွားလွှတ်ပွဲကို နှစ်စဉ်ကျင်းပခြင်းဖြစ်ပြီး နှစ်ပေါင်းတစ်ရာကျော်သက်တမ်းရှိကြောင်း၊ နွားလွှတ်ပွဲတွင် နွားဦးခေါင်း၌ ဆုကြေးများပါဝင်သည့် ပုဝါများချည်ထားပြီး ရိုးရာနွားဖမ်းသူများက လက်ဗလာဖြင့် အဆိုပါပုဝါများကို လိုက်လံဖမ်းယူကြခြင်းဖြစ်သည်။
ယခုနှစ် ဟိန္ဒူရိုးရာနွားလွှတ်ပွဲတွင် ဘုရားကျောင်းများနွားများအပါအဝင် နွားကောင်ရေ ၁၀၀ ခန့်လွှတ်ခဲ့ပြီး ရိုးရာနွားဖမ်းသူ ၃၀၀ ခန့်ပါဝင်ဆင်နွှဲခဲ့ကာ လာရောက်အားပေးကြည့်ရူသူလည်း များပြားခဲ့သည်။
ပီလခတ်ဟိန္ဒူဘုရားကျောင်းကို လာရောက်သူများကို သက်သက်လွှတ်ထမင်းဟင်း နေ့စဉ်စတုဒိသာကျွေးလျက်ရှ်ိကြောင်း သိရသည်။
About the Author
