နေမိုး
၁. ၁.၂၀၂၅
သပိတ်ကျင်းမြို့နယ်၊ ကွင်းသုံးဆယ်(ကွင်း (၃၀))ရွာက PDF သင်္ချိုင်းကို ဒေသခံများ ဖျက်ဆီး ရှင်းလင်းနေသည့်ရုပ်သံ လူမှုကွန်ရက်တွင် ပျံ့နှံ့နေသည်။
MT News ၏ မေးမြန်းမှုနှင့် ရုပ်သံမြင်ကွင်းအရ PDF များ၏ အုတ်ဂူရာဂဏန်းခန့်ကို အာဇာနည်ကုန်းသဖွယ် လုပ်ဆောင်ထားပြီး အဓိကအားဖြင့် MDY PDF များကို မြှုပ်နှံသည့် သင်္ချိုင်းလည်းဖြစ်သည်။
ကွင်း (၃၀)ရွာသည် မန္တလေးတိုင်းဒေသကြီး၊ ပြင်ဦးလွင်ခရိုင်၊ သပိတ်ကျင်းမြို့နယ်၊ အုံးဇုံးကျေးရွာ အုပ်စု၌ တည်ရှိသည်။ ၂၀၁၄ သန်းခေါင်စာရင်းအရ အုံးဇုံးကျေးရွာအုပ်စုတွင် ကျား ၁၇၇၀၅ ဦး၊ မ ၁၆၃၄၂ ဦးဖြင့် လူဦးရေ စုစုပေါင်း ၃၄၀၄၇ ဦးနေထိုင်သည့် ရွာကြီးဖြစ်သည်။
အဆိုပါ ကွင်းသုံးဆယ်ရွာအပါအဝင် ဝါးဖြူတောင်၊ ဖော့တော၊ ဇရပ်ကွင်း၊ လိပ်ကျ စသည့် သပိတ်ကျင်းမြို့နှင့် စဉ့်ကူး၊ မတ္တရာမြို့နယ်များရှိ ကျေးရွာများကို တပ်မတော်က ပြန်လည်ထိန်းချုပ်ပြီးနောက် ဒေသခံများ ပြန်လည်ဝင်ရောက်နေထိုင်နိုင်သဖြင့် PDF များကို မြှုပ်ထားသည့် သင်္ချိုင်းအား ဒေသခံများက တက်ညီလက်ညီ ဖြိုဖျက် ရှင်းလင်းလိုက်ခြင်းဖြစ်သည်။
About the Author
