ဈေးနှုန်းအဆမတန်မြင့်တက်လာမှုကြောင့် ကြက်သွန်နီကို ဇိမ်ခံပစ္စည်းကဲ့သို့ ဖိလစ်ပိုင်တွင် သုံးစွဲလာ

◾️ ကြက်သား၊ ဝက်သားထက်ပင် စျေးကြီးနေ၍ မင်္ဂလာလက်ဖွဲ့ပန်းတွင်ပင် ကြက်သွန်နီပန်းစည်း အသုံးပြု

၃၁. ၁. ၂၀၂၃
Written by Pan Ei

ဖိလစ်ပိုင်နိုင်ငံ၏ မြို့တော်မနီလာရှိ စူပါမားကတ်များတွင် ကြက်သွန်နီဈေးနှုန်းများသည် မကြာသေးမီလများအတွင်း တစ်ကီလိုဂရမ်ကို ပီဆို ၈၀၀ (အမေရိကန်ဒေါ်လာ ၁၅ ဒေါ်လာခန့်) အထိ မြင့်တက်လာခဲ့ပြီး ကြက်သား၊ ဝက်သားထက် ပိုမိုဈေးကြီးလျက်ရှိသည်။

ရုရှားနှင့် ယူကရိန်း စစ်ဖြစ်ပွားချိန်မှစ၍ ရေနံနှင့် ဓာတ်မြေသြဇာဈေးနှုန်းများ မြင့်တက်လာခြင်း၊ အထွက်နှုန်း ညံ့ဖျင်းခြင်း၊ ကုန်ကျစရိတ်ကြီးမားခြင်း၊ တိုင်ဖွန်းမုန်တိုင်းများကြောင့် သီးနှံများပျက်စီးခြင်း စသည်တို့ကြောင့် ကြက်သွန်နီပြတ်လပ်မှု အခြေအနေများကို ဖိလစ်ပိုင်တွင် တွေ့ကြုံနေရပြီး အချို့သော စားသောက်ဆိုင်များသည် ဟင်းလျာများမှ အဓိကပါဝင်ပစ္စည်းကို ဖယ်ထုတ်ချက်ပြုတ်ကာ ရောင်းချလျက်ရှိကြသည်။

ကြက်သွန်နီဝယ်လိုအားများ ပြည့်မီစေရန်နှင့် လက်လီဈေးကို ပီဆို ၂၀၀ အောက် ကျဆင်းစေရန် အစိုးရက ကြက်သွန်နီ တန်ချိန် ၂၁၀၀၀ တင်သွင်းမှုကို ခွင့်ပြုခဲ့ပြီး သိုလှောင်ထားသည်ဟု သံသယရှိသည့် ကုန်သည်များကို နှိမ်နင်းရန် တောင်းဆိုမှုများလည်း ရှိနေသည်။

ဆိုရှယ်မီဒီယာပေါ်တွင် ကြက်သွန်နီပုံများနှင့် ဟာသပုံများ ပျံ့နှံလာသည်နှင့်အမျှ ဟင်းသီးဟင်းရွက်များသည် ဆင်းရဲတွင်းနက်နေသော တိုင်းပြည်တွင် ချမ်းသာကြွယ်ဝမှု၏ သင်္ကေတတစ်ခု ဖြစ်လာခဲ့သည်။

ဖိလစ်ပိုင်နိုင်ငံ၏ သတိုသမီးတစ်ဦးသည် သူမ၏မင်္ဂလာပန်းစည်းအတွက် ပန်းစည်းများအစား ကြက်သွန်နီပန်းစည်းကို အသုံးပြုခဲ့ပြီး မကြာသေးမီက နိုင်ငံ၏အရှေ့အလယ်ပိုင်းမှ လေယာဉ်ပေါ်ရှိ လေကြောင်းလိုင်းမှ အမှုထမ်းများသည် မနီလာလေဆိပ်မှတစ်ဆင့် ကြက်သွန်နီ အညှောင့်များထွက်နေသည့် ကုန်ပစ္စည်းအိတ်များကို ခိုးသွင်းရန် ကြိုးပမ်းမှုကို တားဆီးခဲ့ရသည်။

Ref; CNA

aye mon

See author's posts