၇.၂.၂၀၂၅
Written By Thandar
အောင်မြင်ကျော်ကြားတဲ့ တေးသီချင်းပေါင်းများစွာကို ရေးစပ်ဖန်တီးခဲ့သူ တေးရေးဆရာ၊ ကဗျာဆရာ နိုင်မြန်မာဟာ အသက် ၆၇ နှစ်အရွယ် ဒီ ဖေဖော်ဝါရီ ၇ ရက် နံနက် ၈ နာရီက ရန်ကုန်မြို့ သန်လျင်မြို့နယ်နေအိမ်မှာ နှလုံးအမောဖောက်ပြီ ကွယ်လွန်သွားပြီ ဖြစ်တယ်လို့ သိရပါတယ်။
“အိပ်မပျော်ဘူး။ ရင်ထဲမှာတစ်မျိုးကြီးပဲမလို့..စာတောင် တင်လိုက်သေးတယ်….အပါး ဦး(နိုင်မြန်မာ) ဒီမနက်မှာပဲ ကွန်လွန်ပါတယ်….ငြိမ်းချမ်းသွားပါပြီ အပါး…လွတ်လပ်သွားရ့ပါပြီ အပါးရေ……”လို့ တေးရေး တေးဆို ဗျူဟာရဲ့ ဇနီးက ပရိသတ်ကို အသိပေးလာပါတယ်။
သူ့ဟာ အဆိုတော် ဗျူဟာ၊ ရာဇဝင်၊ နေမဝင်၊ ရှင်နိုင်းမြန်မာ၊ မင်းအေးမြန်မာတို့ရဲ့ ဖခင်လည်းဖြစ်ပြီး အမည်ရင်းက ဦးနိုင်ဦးမြင့်ဖြစ်ပါတယ်။
နိုင်မြန်မာက ကမ္ဘာမကြေဘူး၊ ဝါဆိုမိုး၊ တစ်ခါက မြစန်းကြည်၊ မြစန်းကြည်လေးရေ၊ ပါးစပ်ရာဇဝင်လေးဖြစ်ခဲ့ပြီ စတဲ့ တေးသီချင်းကောင်းတွေကို ရေးသားခဲ့တဲ့ အနုပညာကြယ်ပွင့်လည်းဖြစ်လို့ သူ့ကို ဆုံးရှုံးခဲ့ရတဲ့အတွက် မိသားစုနဲ့ ထပ်တူ ပရိသတ်တွေလည်း ဝမ်းနည်းနေကြပါတယ်။
သူ့ဟာ ယခင်က တီဘီရောဂါ ဖြစ်ခဲ့ဖူးသူလည်းဖြစ်ပြီး ကိုဗစ်မှာလည်း ကူးစက်ခံခဲ့ရပေမဲ့ ကျော်ဖြတ်နိုင်ခဲ့ပြီး ဒီနေ့မှာတော့ နှလုံးအမောဖောက် ကွယ်လွန်သွားတာဖြစ်သလို နာရေးအစီအစဉ် အသေးစိတ်ကို မိသားစုတွေတိုင်ပင်ကာစီစဉ်နေဆဲလို့ သိရပါတယ်။
