ရန်ကုန်တိုင်းရှိ MSME မွေးမြူရေးလုပ်ငန်းများအား
အရင်းမပျောက် မ,တည်ရင်းနှီးငွေ ထောက်ပံ့မည်

၁၃. ၁၂. ၂၀၂၂
Written by Ye Kyaw

ရန်ကုန်တိုင်းဒေသကြီးအတွင်းရှိ အသေးစား၊ အငယ်စားနှင့် အလတ်စား (MSME) မွေးမြူရေးလုပ်ငန်းများအား အရင်းမပျောက် မ,တည်ငွေထောက်ပံ့ပေးသွားမည်ဖြစ်ကြောင်း ရန်ကုန်တိုင်းဒေသကြီးအစိုးရအဖွဲ့မှ သိရသည်။

စိုက်ပျိုးရေးနှင့် မွေးမြူရေးဆိုင်ရာ အသေးစား၊ အငယ်စားနှင့် အလတ်စားလုပ်ငန်းများ ဖွံ့ဖြိုးတိုးတက်ရေးအတွက် ကနဦးရင်းနှီးမြှုပ်နှံခြင်းနှင့် ထုတ်လုပ်မှု ကုန်ကျစရိတ်ကို နိုင်ငံ့စီးပွားမြှင့်တင်ရေး ရန်ပုံငွေမှ အရင်းမပျောက် မ,တည်ငွေအဖြစ် ထောက်ပံ့ခြင်းဆိုင်ရာ လုပ်ငန်းဆွေးနွေးပွဲကို ဒီဇင်ဘာ ၁၁ ရက်က ရန်ကုန်တိုင်းဒေသကြီးအစိုးရအဖွဲ့ အစည်းအဝေးခန်းမတွင် ပြုလုပ်ခဲ့ခြင်းဖြစ်သည်။

နိုင်ငံ့စီးပွားရေးမြှင့်တင်ရေး ရန်ပုံငွေမှ အရင်းမပျောက် မ,တည်ထောက်ပံ့ငွေဖြင့် မွေးမြူရေးလုပ်ငန်းများ အောင်မြင်စွာ အကောင်အထည်ဖော်ဆောင်ရွက်နိုင်ရေးအတွက် လုပ်ငန်းစဥ်အဆင့်ဆင့် ဆောင်ရွက်ထားမှုရှိကြောင်း ရန်ကုန်တိုင်း‌‌ဒေသကြီ စီးပွားရေးရာဝန်ကြီး ဦးမျိုးမြင့်အောင်က ပြောကြားသည်။

နိုင်ငံ့စီးပွားမြှင့်တင်ရေး ရန်ပုံငွေမှ အရင်းမပျောက် မ,တည်ထောက်ပံ့ငွေကို အသေးစား၊ အငယ်စားနှင့် အလတ်စား မွေးမြူရေးလုပ်ငန်းများအတွက် အကောင်အထည်ဖော်ဆောင်ရွက်ရာတွင် စိုက်ပျိုးရေး၊ မွေးမြူ‌ရေးနှင့် ဆည်မြောင်းဝန်ကြီးဌာနက ဦးဆောင်၍ ဆောင်ရွက်သွားမည် ဖြစ်ကြောင်း သိရသည်။

aye mon

See author's posts