နေမိုး
၂၁. ၅. ၂၀၂၆
ဘုန်းကြီးကျောင်းတွင်ရှိနေသော လက်နက်မဲ့အမျိုးသားတစ်ဦးကို ဒလန်ဟုစွပ်စွဲကာ PDF ငါးဦးက ဖမ်းဆီးသွားပြီးနောက် ဘုန်းကြီးကျောင်းအနီးတွင်ပင် ဓားများဖြင့် ဝိုင်းဝန်း ထိုးခုတ် သတ်ဖြတ်လိုက်မှု ရွာငံမြို့နယ်တွင် ဖြစ်ပွားခဲ့သည်ဟု သတင်းရရှိသည်။
NUG ဩဇာခံ ပဲခူး PDF များ၏ ကျူးလွန်မှုဖြစ်စဉ်မှာ ၂၀၂၆ ခုနှစ်၊ မေ ၁၉ ရက် နံနက် ၇ နာရီ ၁၀ မိနစ်တွင် ရှမ်းပြည်နယ်၊ ရွာငံမြို့နယ်၊ မြိုင်ကျေးရွာ၌ PDF များက အမျိုးသားတစ်ဦးအား ဖမ်းဆီးခေါ်ဆောင်၍ သတ်ဖြတ်သွားခဲ့ကြောင်း သတင်းအရ လုံခြုံရေးတပ်ဖွဲ့ဝင်များက ဖြစ်စဉ်အား စိစစ်ခဲ့ရာ မေ ၁၈ ရက် ည ၉ နာရီ ၃၀ မိနစ်တွင် ရွာငံမြို့နယ်၊ မြိုင်ကျေးရွာနေ ဦးမျိုးမြင့်အောင်(ခ)အောင်ကြီး(၄၈)နှစ်သည် အဆိုပါကျေးရွာရှိ ဘုန်းကြီးကျောင်း၌ ရှိနေစဉ် PDF ငါးဦး ရောက်ရှိလာပြီး ဖမ်းဆီးခေါ်ဆောင်သွားကာ ဘုန်းကြီးကျောင်း အရှေ့ဘက် ပေ ၂၀ ခန့်အကွာအရောက်၌ ဓားများဖြင့် ထိုးခုတ်သတ်ဖြတ်သွားခဲ့သဖြင့် ၎င်းတွင် ဓားဒဏ်ရာများရရှိကာ သေဆုံးသွားခဲ့ကြောင်း သိရသည်။
နောက်ဆုံးထုတ်ပြန်ချက်များအရ နွေဦးတော်လှန်ရေးစတင်ချိန် ၂၀၂၁ ခုနှစ် ဖေဖော်ဝါရီလ ၁ ရက်မှ ယမန်နှစ် ဒီဇင်ဘာလ ၂၆ ရက်အထိ NUG၊ PDF နှင့် EAOs တိုက ဒလန်၊ သူလျှိ၊ ပျူစောထီး၊ နစကယန္တရားလည်ပတ်စေသူဟု စွပ်စွဲကာ အကြမ်းဖက် သတ်ဖြတ်မှုများကြောင့် အပြစ်မဲ့အရပ်သားများ၊ သံဃာတော်များ၊ ကလေးသူငယ်များ၊ အုပ်ချုပ်ရေးဆိုင်ရာ တာဝန်ရှိသူများ၊ အစိုးရဝန်ထမ်းများ စုစုပေါင်း ၉၉၀၈ ဦး သေဆုံးခဲ့ကာ ၁၃၀၁၁ ဦး ဒဏ်ရာရရှိခဲ့သည်။
About the Author
