၁. ၆.၂၀၂၅
Written by KL
ရန်ကုန်တိုင်းဒေသကြီး၊ ရန်ကင်းမြို့နယ်၊ (၁၁) ရပ်ကွက်၊ သစ္စာလမ်းရှိ နှစ်ထပ်နေအိမ်တစ်လုံးတွင်မေလ ၃၁ ရက် နံနက် ၆ နာရီ ၃၅ မိနစ်ခန့်က မီးပလပ်ခုံအပူလွန်ကဲရာမှ နေအိမ်နှစ်လုံး မီးလောင်ခဲ့ကြောင်း မီးငြှိမ်းသတ်သူများထံမှ သိရသည်။
ဖြစ်စဥ်တွင် သွပ်မိုး၊ အုတ်ညှပ်၊ ကွန်ကရစ်ခင်းနှစ်ထပ်နေအိမ်၏ မီးပလပ်ခုံအပူလွန်ကဲရာမှ ကတ်ဆက်ဘောက်အဟောင်းနှင့် စက္ကူများပေါ် မီးပွားကျရာမှ စတင်လောင်ကျွမ်းခဲ့ပြီး မိနစ်၂၀ ကြာ လောင်ကျွမ်းခဲ့သော မီးလောင်မှုကြောင့် သွပ်မိုး၊ အုတ်ညှပ်၊ ကွန်ကရစ်ခင်း နှစ်ထပ်နေအိမ်နှစ်လုံးနှင့် အတွင်းပစ္စည်းများ မီးလောင်ခဲ့ကြောင်း သိရသည်။
မီးလောင်မှုကို မီးငြှိမ်းသတ်ယာဥ် ၉ စီး၊ ရေသယ်ယာဥ် ၁၀ စီး၊ ကွပ်ကဲမှုယာဥ် တစ်စီးနှင့် သန္ဓေအရန် မီးသတ်တပ်ဖွဲ့ဝင် ၁၀၀ ကျော်ဖြင့် ငြှိမ်းသတ်ခဲ့ကြောင်း သိရသည်။
“အိမ်တွေက အပေါ်ထပ်တွေပဲလောင်သွားတာ။ လူထိခိုက်သေဆုံးမှု မရှိပါဘူး”ဟု မီးငြှိမ်းသတ်ခဲ့သည့် အရန်မီးသတ်တပ်ဖွဲ့ဝင်တစ်ဦးက ပြောသည်။
နေအိမ်နှစ်လုံးမီးလောင်မှုကြောင့် အသက် ၇၁ နှစ်အရွယ် ဦးတင်မြင့်ကို ရာဇသတ်ကြီးပုဒ်မ ၂၈၅ ဖြင့် ရန်ကင်းမြို့မရဲစခန်းတွင် အမှုဖွင့်ထားကြောင်း သိရသည်။
About the Author
