၁၀. ၇. ၂၀၂၄
Written by Nay Moe

ဗဟန်းမြို့နယ်၊ လင့်ခ်လမ်းနှင့် ဓမ္မစေတီလမ်းထောင့်ရှိလုံခြုံရေးကင်းတဲကို God’s Hand Forces အဖွဲ့က ယနေ့ ဗုံးခွဲတိုက်ခိုက်မှုတွင် ရဲတပ်ဖွဲ့ဝင် ၂ ဦး ထိခိုက်ဒဏ်ရာရရှိခဲ့သည်ဟု ကျူးလွန်သည့်အဖွဲ့က ထုတ်ပြန်ထားသည်။

မကြာမီရက်ပိုင်းအတွင်းကျရောက်မည့် အာဇာနည်နေ့အတွက် ရန်ကုန်မြို့၊ ဗဟန်းမြို့နယ်၊ လင့်ခ်လမ်းနှင့် ဓမ္မစေတီလမ်းထောင့်ရှိ တပ်နှင့် ရဲတပ်ဖွဲ့ဝင်များ ကင်းစောင့်နေသည့် ယာယီလုံခြုံရေးကင်းတဲကို ယနေ့ နံနက် ၈ နာရီခွဲခန့်က ဖောက်ခွဲတိုက်ခိုက်ရာမှ ရဲတပ်ဖွဲ့ဝင်၂ ဦး ပြင်းထန်စွာ ထိခိုက်ဒဏ်ရာရရှိသွားကြောင်း၊ အဆိုပါတိုက်ခိုက်မှုမှာ M 043 စစ်ဆင်ရေး၏ တတိယမြောက် တိုက်ခိုက်မှုဖြစ်ကြောင်း God’s Hand Forces အဖွဲ့၏ ထုတ်ပြန်ချက်တွင် ဖော်ပြထားသည်။

God’s Hand Forces အဖွဲ့က M 043 စစ်ဆင်ရေးအဖြစ် ၂၀၂၄ မေလ ၁၂ ရက်ညက ပေါက်တောဝမီးပွိုင့်အနီးရှိ နှစ်ထပ်ဘန်ကာကို ဖောက်ခွဲတိုက်ခိုက်ခဲ့သလို ၂၀၂၃ ဧပြီ ၆ ရက်နံနက်ကလည်း မင်္ဂလာဒုံဘိုခြံအနီးရှိ ယာဥ်ထိန်းရဲများနှင့် လုံခြုံရေးတပ်ဖွဲ့ဝင်များကို ဗုံးခွဲတိုက်ခိုက်ခဲ့သည်ဟု သိရသည်။

Leave a Reply

Your email address will not be published. Required fields are marked *