၁၀. ၇. ၂၀၂၄
Written by Nay Moe

တနင်္သာရီတိုင်းဒေသကြီး၊ ထားဝယ်ခရိုင်၊ ရေဖြူမြို့နယ် ရဲစခန်းက ရဲတပ်ကြပ်တစ်ဦးကို ဖမ်းဆီးခဲ့တယ်လို့ ဓဝယ် အမျိုးသား လွတ်မြောက်ရေးတပ်တော်- DNLA က ထုတ်ပြန်လာပါတယ်။

ပြီးခဲ့တဲ့ ဇူလိုင် ၆ ရက်နေ့မှာ ရေဖြူမြို့နယ်ရဲစခန်းကနေ စျေးဝယ်ဖို့ အပြင်ထွက်လာတဲ့ ရဲတပ်ကြပ်တစ်ဦးကို သူရဲ့ အသုံးအဆောင် ဆက်စပ်ပစ္စည်းတွေနဲ့အတူ ဖမ်းဆီးမိနိုင်ခဲ့တာလို့ သိရပါတယ်။

ပြီးခဲ့တဲ့ ဇူလိုင် ၂ ရက်မှာ လုံခြုံရေးတပ်ဖွဲ့ဝင်တွေနဲ့ DNLA အပါအဝင် PDF တွေ တိုက်ပွဲဖြစ်ပွားရာက DNLA အဖွဲ့ဝင် PDF လေးဦး သေဆုံးခဲ့သလို ကားတစ်စီးနဲ့ ခဲယမ်းလက်နက်တချို့လည်း သိမ်းမိခဲ့တဲ့ ဖြစ်စဥ်ဖြစ်ပွားခဲ့အပြီး ဇူလိုင် ၃ ရက် နေ့လယ် ၃ နာရီအချိန်မှာလည်း ရေဖြူရဲစခန်းကို DNLA တပ်ခွဲ- ၁နဲ့ ရေဖြူမြို့နယ် ပြည်သူ့ကာကွယ်ရေးတပ်ဖွဲ့- YPPDF တို့က အလစ်အငိုက်ဝင်ရောက်တိုက်ခိုက်ခဲ့လို့ အပြန်အလှန်ပစ်ခတ်မှု ၁၅ မိနစ်ကြာဖြစ်ပွားခဲ့ပြီး အဲ့ဒီ အပြန်အလှန်ပစ်ခတ်မှုအတွင်းမှာ ရဲတပ်ဖွဲ့ဝင် နှစ်ဦးသေဆုံးပြီး ထိခိုက်ဒဏ်ရာရရှိသူလည်းများပြားခဲ့တယ်လို့ DNLA က ထုတ်ပြန်ခဲ့ပါသေးတယ်။

Leave a Reply

Your email address will not be published. Required fields are marked *