၁၄. ၁. ၂၀၂၄
Written by KL
ရန်ကုန်တိုင်းဒေသကြီး၊ မရမ်းကုန်းမြို့နယ်၊ အမှတ်(၁) ရပ်ကွက်၊ ဘုရင့်နောင်ပွဲရုံ၊ ယင်းမာလမ်းတွင် ဇန်နဝါရီ ၁၃ ရက် ညနေပိုင်းက ဓာတ်တိုင်ပေါ်ရှိ ဝိုင်ဖိုင်(Wifi)ကြိုးများပြုပြင်ရာမှ အမျိုးသားတစ်ဦး ဓာတ်လိုက်သေဆုံးခဲ့ကြောင်း သိရသည်။
ဖြစ်စဥ်မှာ ဇန်နဝါရီ ၁၃ ရက် ညနေ ၃ နာရီခန့်က အသက် ၁၈ နှစ်အရွယ် အမျိုးသားတစ်ဦးမှာ ဘုရင့်နောင်ပွဲရုံ၊ ယင်းမာလမ်းရှိ ဓာတ်တိုင်ပေါ်တွင် ဝိုင်ဖိုင်(Wifi)ကြိုးများ ပြုပြင်ရာမှ ဓာတ်လိုက်သေဆုံးခဲ့ခြင်းဖြစ်ကြောင်း သွားရောက်ကူညီခဲ့သည့် မြတ်ကုသိုလ်လူမှုကယ်ဆယ်ရေးအသင်းထံမှ သိရသည်။
“ဓာတ်လိုက်သေဆုံးတဲ့သူက ဘယ်လက် ပွန်းပဲ့ဒဏ်ရာပဲ။အဲ့ဒီနေရာပဲ ဒဏ်ရာတွေ့ပါတယ်”ဟု မြတ်ကုသိုလ်လူမှုကယ်ဆယ်ရေးအသင်းမှ အသင်းဝင်တစ်ဦးက ပြောသည်။
ဓာတ်လိုက်သေဆုံးသူ၏ ရုပ်အလောင်းကို မြောက်ဥက္ကလာပမြို့နယ် ပြည်သူ့ဆေးရုံ၊ ရင်ခွဲရုံသို့ မြတ်ကုသိုလ် လူမှုကယ်ဆယ်ရေး အသင်းမှ အသင်းသားများက ကူညီပို့ဆောင်ပေးခဲ့ကြောင်း သိရသည်။
